തിരുവനന്തപുരം : ഉണ്ണി മുകുന്ദന് നിർമ്മിച്ച ‘മേപ്പടിയാന്’ സിനിമയുടെ വ്യാജപതിപ്പ് പ്രചരിപ്പിക്കുന്നവര്ക്ക് പിന്തുണയുമായി യൂത്ത് കോണ്ഗ്രസ് നേതാവ് റിജില് മാക്കുറ്റി . സിനിമയുടെ പൈറസി പ്രിന്റിനെതിരെ ഉണ്ണി മുകുന്ദന് ഇട്ട ഫേസ്ബുക്ക് പോസ്റ്റിന് താഴെയാണ് വ്യാജ പതിപ്പ് ഇറക്കിയ സാമൂഹ്യവിരുദ്ധന്മാരെ പിന്തുണച്ച് റിജില് എത്തിയത്.
മേപ്പടിയാന്റെ വ്യാജ പതിപ്പ് ടെലഗ്രാം അടക്കമുള്ള സോഷ്യൽ മീഡിയയിൽ പ്രചരിപ്പിച്ച യുവാവിനെതിരെ അണിയറ പ്രവർത്തകർ പോലീസിൽ പരാതി നൽകിയിട്ടുണ്ട് . മലപ്പുറം സ്വദേശിയായ ജസീം കെവിഎം എന്ന യുവാവിനെതിരെയാണ് പരാതി നൽകിയിരിക്കുന്നത്. വ്യാജ പതിപ്പ് വിതരണം ചെയ്തതിനൊപ്പം സോഷ്യൽ മീഡിയയിൽ യുവാവ് വെല്ലുവിളിക്കുകയും ചെയ്തു.
ഇത്തരക്കാരെ പിന്തുണച്ചാണ് മാക്കുറ്റി എത്തിയത് . സാമൂഹ്യവിരുദ്ധ പ്രവര്ത്തനത്തിന് പിന്തുണ നല്കിയ മാക്കുറ്റിക്കെതിരെ സോഷ്യൽ മീഡിയയിൽ വിമർശനവും ഉയർന്നിട്ടുണ്ട് . അടുത്തിടെ ഡിവൈ എഫ് ഐ ക്കാരുടെ കൈയ്യിൽ നിന്ന് മർദ്ദനമേറ്റതോടെ മാക്കുറ്റിയുടെ ബോധം പോയോ എന്നാണ് ചിലർ ചോദിക്കുന്നത് . അടി കിട്ടിയിറ്റും നന്നായില്ലേയെന്നും , ഇനിയും ഇരന്നു മേടിക്കാനുള്ള പുറപ്പാടിലാണോ മാക്കുറ്റി എന്നും ചിലർ ചോദിക്കുന്നു . വ്യാജ ഗാന്ധിമാരെ നേതാക്കളായി കാണുന്ന ഇവരിൽ നിന്ന് ഇത് പ്രതീക്ഷിച്ചാൽ മതിയെന്നും ചിലർ പറയുന്നു.
Comments