കോട്ടയം: മൂര്ഖന്റെ കടിയേറ്റ് കോട്ടയം മെഡിക്കല് കോളജ് ആശുപത്രിയില് ചികിത്സയില് കഴിയുന്ന വാവ സുരേഷ് ജീവിതത്തിലേക്ക് തിരിച്ചുവരുന്നു. തലച്ചോറിന്റെ പ്രവര്ത്തനങ്ങളില് പുരോഗതിയുണ്ട്. ചോദ്യങ്ങളോട് പ്രതികരിക്കുന്നു. ദ്രവരൂപത്തിലുള്ള ഭക്ഷണം നല്കിവരുന്നുണ്ട്.
പാമ്പുകടിയേറ്റ് ആശുപത്രിയില് കൊണ്ടുപോകുന്നതിനിടെ വാവസുരേഷിന് ഹൃദയാഘാതം ഉണ്ടായി. ഓക്സിജന്റെ അളവ് താഴ്ന്നതിനെ തുടര്ന്ന് തലച്ചോറിനെയും ശരീരപേശികളെയും പ്രതികൂലമായി ബാധിച്ചു.
നിലവില് തീവ്രപരിചരണവിഭാഗത്തിലെ വെന്റിലേറില് ചികിത്സയില് കഴിയുന്ന സുരേഷ് ഗുരുതര നിലതരണം ചെയ്തിട്ടില്ല. ഒരുദിവസം കൂടി വെന്റിലേറ്ററില് തുടരാനാണ് ഡോക്ടര്മാരുടെ നിര്ദ്ദേശം. വെന്റിലേറ്റര് മാറ്റിയാലെ ആരോഗ്യനില വിലയിരുത്താനാവൂ എന്നും ഡോക്ടര്മാര് പറഞ്ഞു.
അതെ സമയം സംസ്ഥാനത്ത് പാമ്പുപിടുത്തക്കാരില് ഏറെ പ്രശസ്തനായ വാവസുരേഷിന്റെ ആരോഗ്യം പൂര്വ്വ സ്ഥിതിയിലായി പുതിജീവിതത്തിലേക്ക് തിരിച്ചുവരാന് ഓട്ടേറെ പേര് പ്രാര്ത്ഥനകളും വഴിപാടുകളും നടത്തുകയാണ്. ആരോഗ്യനിലയിലുണ്ടാകുന്ന ഓരോപുരോഗതിയും പ്രതീക്ഷയോടെയാണ് സമൂഹം ഉറ്റുനോക്കുന്നത്.
