ബാർമർ: രാജസ്ഥാനിലെ ബാർമർ ജില്ലയിൽ ഇന്ത്യ-പാകിസ്താൻ അന്താരാഷ്ട്ര അതിർത്തിക്ക് സമീപത്ത് വൻ മയക്കുമരുന്ന് വേട്ട. അതിർത്തി രക്ഷാ സേനയാണ് 14 കിലോ കഞ്ചാവ് പിടികൂടിയത്. ഇതിന് 35 കോടി രൂപ വിലവരുമെന്ന് ഉദ്യോഗസ്ഥർ വ്യക്തമാക്കി. അതിർത്തി രക്ഷാ സേനയ്ക്ക് പുറമെ സ്പെഷ്യൽ ഓപ്പറേഷൻ ഗ്രൂപ്പ്, ബാർമർ പോലീസ് എന്നിവർ സംയുക്തമായി നടത്തിയ തിരച്ചിലിലാണ് ഇത് കണ്ടെത്തിയത്.
ബാർമറിലെ ഗദ്ര റോഡ് പോലീസ് സ്റ്റേഷൻ പരിധിയിലുള്ള പഞ്ച്ല ഗ്രാമത്തിൽ നിന്നാണ് ഇത് പിടിച്ചെടുത്തതെന്ന് ബിഎസ്എഫിന്റെ ഔദ്യോഗിക പ്രസ്താവനയിൽ പറയുന്നു. പാകിസ്താനിൽ നിന്നും ഇന്ത്യയിലേക്ക് എത്തിച്ചതാണ് ഇതെന്നാണ് കണ്ടെത്തൽ.
A joint operation was carried out by @BSF_India SOG & @Barmer_Police, in which 14 KG Heroin has been recovered near Panchala, PS Gadra Road Distt- Barmer. Approximate value of the recovered heroin in international market is 35 crore rupees.#JaiHind#JeevanParyantKartavya pic.twitter.com/4XlwmLgIX8
— BSF GUJARAT (@BSF_Gujarat) February 6, 2022
