സ്റ്റാർ കിഡ് എന്ന പേരിൽ സിനിമയിലെത്തിയെങ്കിലും കുറച്ച് കാലം കൊണ്ട് തന്നെ ജനമനസ്സിൽ ഇടം പിടിച്ച നായികയാണ് കല്യാണി പ്രിയദർശൻ. പ്രിഥ്വിരാജ് സംവിധാനം ചെയ്ത് നായകനായെത്തിയ ബ്രോ ഡാഡിയിലും വീനിത് സംവിധാനം ചെയ്ത ഹൃദയത്തിലും തിളങ്ങി നിന്നുകൊണ്ട് നടി കുടുംബപ്രേക്ഷകരെ ഒട്ടാകെ ആകർഷിച്ചിരിക്കുകയാണ്. ഇപ്പോൾ തനിക്ക് ഇൻസ്റ്റഗ്രാമിൽ രണ്ട് മില്യൺ ഫോളോവേഴ്സ് തികഞ്ഞതിന്റെ ആഹ്ലാദമാണ് കല്യാണി പങ്കുവെയ്ക്കുന്നത്. ആരാധക സ്നേഹത്തിന് നന്ദി പറഞ്ഞുകൊണ്ട് വീഡിയോയും പോസ്റ്റ് ചെയ്തിട്ടുണ്ട് താരം.
തന്റെ എല്ലാ ആരാധകർക്കും നന്ദിയെന്നും ഈ വർഷവും ഇൻസ്റ്റഗ്രാം ഫോളോവേഴ്സ് കൂടുമെന്ന് പ്രതീക്ഷിക്കുന്നതായും കല്യാണി പറഞ്ഞു. കേക്ക് മുറിക്കുന്നതിന്റെ വീഡിയോയാണ് കല്യാണി പങ്കുവെച്ചിരിക്കുന്നത്.
പ്രശസ്ത സംവിധായകൻ പ്രിയദർശന്റേയും മുൻകാല നായിക ലിസിയുടേയും മകളാണ് കല്യാണി പ്രിയദർശൻ. സ്ക്രീനിന് മുന്നിലേക്ക് എത്തുന്നതിന് മുൻപ് തന്നെ ക്യാമറയ്ക്ക്് പിന്നിൽ നിന്നുകൊണ്ട് കല്യാണി പ്രവർത്തിച്ചിട്ടുണ്ട്. ‘ക്രിഷ് 3’ എന്ന ചിത്രത്തിൽ സാബു സിറിലിന്റെ അസിസ്റ്റന്റ് പ്രൊഡക്ഷൻ ഡിസൈനറായാണ് കല്യാണി തന്റെ കരിയർ ആരംഭിക്കുന്നത്. അസിസ്റ്റന്റ് ആർട്ട് ഡയറക്ടറായും പ്രവർത്തിച്ചിട്ടുണ്ട്.
2017 ൽ റിലീസ് ആയ തെലുങ്ക് ചിത്രം ‘ഹലോ’ യിലൂടെയാണ് അഭിനയ രംഗത്തേക്കുള്ള അരംഗേറ്റം നടത്തുന്നത്. ‘വരനെ ആവശ്യമുണ്ട്’ എന്ന സിനിമയിലൂടെയാണ് കല്യാണി മലയാളത്തിലേക്ക് എത്തിയത്. പിന്നീട് മരയ്ക്കാർ, ബ്രോ ഡാഡി, ഹൃദയം എന്നീ സിനിമകളിലും തിളങ്ങി.
Comments