തന്നെ അഭിമുഖത്തിന് വിളിക്കുന്നവർക്കെല്ലാം അറിയേണ്ടത് പ്രണവ് മോഹന്ലാലിനെ കുറിച്ചാണെന്ന് നടി കല്യാണി പ്രിയദര്ശന്. ഹൃദയം സിനിമയിലെ അണിയറപ്രവർത്തകർ ഒത്തുചേർന്ന ലൈവിനിടെയായിരുന്നു കല്യാണിയുടെ പരാമർശം. പ്രണവ് മോഹൻലാൽ ലൈവിൽ എത്തിയിരുന്നില്ല.
തന്റെ അഭിമുഖങ്ങളെല്ലാം പ്രണവിനെ കുറിച്ച് പറയാന് വേണ്ടി മാത്രമുള്ളതു പോലെയാണ് തോന്നുക . തന്റെ ആദ്യ സിനിമ പ്രഖ്യാപിച്ച സമയത്ത് നല്കിയ അഭിമുഖത്തില് പോലും ചോദിച്ചതിൽ കൂടുതലും പ്രണവിനെ കുറിച്ചാണെന്ന് കല്യാണി പറയുന്നു. അവര്ക്ക് അത് മാത്രമാണ് അറിയേണ്ടത്.
ഇരുവരെയും കുറിച്ചുള്ള ഗോസിപ്പുകളെക്കുറിച്ചും കല്യാണി പ്രതികരിക്കുന്നുണ്ട്. എല്ലാ വർഷവും തങ്ങൾ വിവാഹിതരാകാൻ പോകുന്നു എന്ന വാർത്ത വരും. പ്രണവ് അഭിമുഖങ്ങളില് നിന്നും ഒഴിഞ്ഞു മാറുകയാണെന്നും കല്യാണി പറയുന്നു .
തുടർച്ചയായ അഞ്ചാം വാരത്തിലും മികച്ച പ്രതികരണവുമായി ചിത്രം പ്രദർശനം തുടരുകയാണ്. ഈ അവസരത്തിൽ പ്രേക്ഷകർക്ക് നന്ദി അറിയിച്ച് പ്രണവ് മോഹൻലാൽ രംഗത്തെത്തിയിരുന്നു .
സിനിമാലോകവും പ്രേക്ഷകരും ഒരുപോലെ സ്വീകരിച്ച ചിത്രം ശരിക്കും ഹൃദ്യമായ അനുഭവങ്ങളാണ് സമ്മാനിച്ചത്. പ്രണവ് മോഹന്ലാല്, കല്യാണി പ്രിയദര്ശന്, ദര്ശന രാജേന്ദ്രന് തുടങ്ങിയവര്ക്കൊപ്പം നിരവധി പുതുമുഖങ്ങളാണ് ചിത്രത്തിൽ അണി നിരന്നത്. റിപ്പോര്ട്ടുകള് അനുസരിച്ച് ആഗോള ബോക്സ് ഓഫീസില് നിന്ന് 50 കോടി ക്ലബ്ബിലേക്ക് ചിത്രം കടക്കുകയും ചെയ്തിരുന്നു.
Comments