മുംബൈ : പ്രധാനമന്ത്രി നരേന്ദ്രമോദിയുടെ നേതൃത്വത്തിന് ബദലില്ലെന്ന് ശിവസേന . ഉത്തർപ്രദേശ്, ഉത്തരാഖണ്ഡ്, ഗോവ, മണിപ്പൂർ എന്നിവിടങ്ങളിലെ ബിജെപിയുടെ വിജയത്തിന് ശേഷമാണ് ശിവസേനയുടെ പ്രതികരണം .സേന മുഖപത്രമായ സാമ്നയിൽ എഴുതിയ എഡിറ്റോറിയലിൽ സഞ്ജയ് റാവത്ത്, ബിജെപിയുടെ തിരഞ്ഞെടുപ്പ് കുതിപ്പ് എത്രത്തോളമാണെന്നും പറയുന്നുണ്ട്.
അതേസമയം, 2022ലെ നിയമസഭാ തിരഞ്ഞെടുപ്പ് ഫലം 2024ലെ ലോക്സഭാ തിരഞ്ഞെടുപ്പിൽ വലിയ സ്വാധീനം ചെലുത്തുമെന്ന പ്രധാനമന്ത്രിയുടെ വാദത്തോട് എഡിറ്റോറിയൽ വിയോജിക്കുന്നുണ്ട് . ബിഎസ്പിയുടെയും എഐഎംഐഎമ്മിന്റെയും വോട്ട് വിഭജനമാണ് ബിജെപിയുടെ വിജയത്തിന് അടിസ്ഥാനമെന്നും റാവത്ത് പറയുന്നു.
“ഇപ്പോൾ പ്രധാനമന്ത്രി നരേന്ദ്രമോദിയുടെ നേതൃത്വത്തിന് ഒരു പകരക്കാരനില്ലെന്നത് ശരിയാണ്. മോദി-ഷായും അവരുടെ മുഴുവൻ സംഘവും ശ്രദ്ധയും നൽകിയാണ് തിരഞ്ഞെടുപ്പ് യുദ്ധക്കളത്തിലേക്ക് ഇറങ്ങുന്നത്. വിജയിക്കാൻ മാത്രമാണ് ബിജെപി തിരഞ്ഞെടുപ്പ് യുദ്ധക്കളത്തിലേക്ക് നീങ്ങുന്നത് . രാഷ്ട്രീയ എതിരാളികളെ പൂർണ്ണമായും പരാജയപ്പെടുത്തുക എന്നതാണ് അവരുടെ ലക്ഷ്യം.“ റാവത്ത് പറയുന്നു.
‘ മായാവതി തെരഞ്ഞെടുപ്പിൽ പങ്കെടുത്തില്ല. അവർ പറയും സമാജ്വാദി പാർട്ടിയേക്കാൾ മികച്ചത് ബി.ജെ.പിയാണ്. ഉത്തർപ്രദേശിൽ എസ്.പി സർക്കാരിനെ അധികാരത്തിൽ വരാൻ ഞാൻ അനുവദിക്കില്ലെന്ന് പറഞ്ഞതിലൂടെ അവർ തന്റെ വോട്ടിനുള്ള സന്ദേശം നൽകുകയായിരുന്നു. ഒവൈസിയുടെ കാര്യത്തിലും ഇതുതന്നെയാണ് സംഭവിച്ചത്. ബിജെപി വ്യക്തമായ തിരഞ്ഞെടുപ്പ് തന്ത്രം തയ്യാറാക്കി മുന്നോട്ട് പോകുന്നു,” റാവത്ത് പറയുന്നു.
