ഇതാണ് വികസനം; ഇന്ത്യയെ ബന്ധിപ്പിക്കുന്ന ഇത്തരം ഹൈവേകൾ ഇനിയും ഉണ്ടാകട്ടെ; നിതിൻ ഗഡ്കരിയുടെ ട്വീറ്റ് റീട്വീറ്റ് ചെയ്ത് ആനന്ദ് മഹീന്ദ്ര

മുംബൈ: മണിപ്പൂരിൽ നിർമ്മാണം പൂർത്തിയായ പുതിയ ഹൈവയെ പ്രകീർത്തിച്ച് ആനന്ദ് മഹീന്ദ്ര. വടക്കുകിഴക്കൻ സംസ്ഥാനത്തിന്റെ മാജിക്ക് ഇപ്പോൾ വളരെ എളുപ്പത്തിൽ അനുഭവിക്കാൻ സാധിക്കുമെന്ന് അദ്ദേഹം ട്വിറ്ററിൽ കുറിച്ചു. കേന്ദ്രമന്ത്രി നിതിൻ ഗഡ്കരി ട്വിറ്ററിൽ പങ്കുവച്ച ട്വീറ്റ് റീട്വീറ്റ് ചെയ്തു കൊണ്ടായിരുന്നു ആനന്ദ് മഹീന്ദ്രയുടെ പ്രതികരണം. മണിപ്പൂരിൽ നിർമ്മാണം പൂർത്തിയായ പുതിയ എൻഎച്ച്-39ന്റെ ധാരാളം ചിത്രങ്ങളും ഇതോടൊപ്പം അദ്ദേഹം പങ്കുവച്ചിട്ടുണ്ട്. ഇത്തരം ഹൈവേകൾ ഇന്ത്യയെ ഏറ്റവും മികച്ച രീതിയിൽ കൂടുതൽ ബന്ധിപ്പിക്കുമെന്നും ആനന്ദ് മഹീന്ദ്രയുടെ ട്വീറ്റിൽ പറയുന്നു.

മണിപ്പൂരിൽ 45.6 കിലോമീറ്റർ വാങ്ജിങ്-ഖോങ്ഖാങ് മേഖലകളെ തമ്മിൽ ബന്ധിപ്പിക്കുന്ന റോഡാണിത്. റോഡിന്റെ ഇരുവശത്തും അതിമനോഹരമായ കാഴ്ചയാണുള്ളത്. മണിപ്പൂരിൽ ഇത്തരത്തിൽ നിർമ്മിച്ചിട്ടുള്ള റോഡുകളെല്ലാം എല്ലാ ഭാഗങ്ങളിലേക്കും അതിവേഗത്തിൽ എത്താൻ സഹായിക്കുന്നതാണെന്നും നിതിൻ ഗഡ്കരിയുടെ ട്വീറ്റിൽ പറയുന്നു. പ്രധാനമന്ത്രി നരേന്ദ്രമോദിയുടെ നേതൃത്വത്തിന് കീഴിൽ മണിപ്പൂരിലെ വികസനം അതിവേഗത്തിലാക്കാൻ തങ്ങൾ പ്രതിജ്ഞാബദ്ധരാണ്. 2025 ആകുമ്പോഴേക്കും രണ്ട് ലക്ഷം കിലോമീറ്റർ ദേശീയപാതയുടെ വികസനത്തിനാണ് കേന്ദ്രം ലക്ഷ്യമിട്ടിരിക്കുന്നതെന്നും അദ്ദേഹം വ്യക്തമാക്കി.

This looks superb and so inviting. The magic of Manipur is now much more accessible. These highways will knit India together even more tightly. 👏🏽👏🏽👏🏽 https://t.co/5UuXDC8bNW

— anand mahindra (@anandmahindra) March 17, 2022