ദുബായ്:എക്സ്പോ 2020 ദുബായിലെ സൗദി അറേബ്യയുടെ പവലിയന് മികച്ച പവലിയനുള്ള പുരസ്കാരം. ‘ബെസ്റ്റ് പവലിയൻ’ അവാർഡും രണ്ട് ഓണററി അവാർഡുകളുമാണ് സൗദി പവലിയൻ നേടിയത്. എക്സിബിറ്റർ മാസികയാണ് പുരസ്കാരം പ്രഖ്യാപിച്ചത്.
‘ലാർജ് സ്യൂട്ടുകൾ’ വിഭാഗത്തിലാണ് സൗദി അറേബ്യ പവലിയൻ പുരസ്കാരം നേടിയത്. മികച്ച എക്സ്റ്റീരിയർ ഡിസൈനിനും മികച്ച ഡിസ്പ്ലേയ്ക്കും ഓണററി അവാർഡുകളും ലഭിച്ചു. യുഎസ് ഗ്രീൻ ബിൽഡിംഗ് കൗൺസിലിന്റെ ലീഡിൽ പ്ലാറ്റിനം സർട്ടിഫിക്കറ്റ് പവലിയൻ നേരത്തെ നേടിയിരുന്നു.
ഏറ്റവും വലിയ ഇന്ററാക്ടീവ് ലൈറ്റ് ഫ്ലോർ, ഏറ്റവും ദൈർഘ്യമേറിയ സംവേദനാത്മക വാട്ടർ കർട്ടൻ, ഏറ്റവും വലിയ ഇന്ററാക്ടീവ് ഡിജിറ്റൽ സ്ക്രീൻ മിറർ എന്നിവയ്ക്കായി മൂന്ന് ഗിന്നസ് വേൾഡ് റെക്കോർഡുകളും ഇത് സ്വന്തമാക്കിയിട്ടുണ്ട് . സൗദി പവലിയൻ ഇതുവരെ 40 ലക്ഷത്തിലേറെ പേർ സന്ദർശിച്ചിട്ടുണ്ട്
Comments