തിരുവനന്തപുരം : നടി നിത്യാ മേനോനെ വിവാഹം ചെയ്യുന്നതിൽ നിന്നും താൻ പിൻമാറുകയാണെന്ന് സമൂഹമാദ്ധ്യമങ്ങളിൽ വൈറൽ ആയ വ്യക്തി സന്തോഷ് വർക്കി. ഫേസ്ബുക്കിലൂടെയായിരുന്നു അദ്ദേഹത്തിന്റെ പ്രതികരണം. നിത്യ മേനോനെ വിവാഹം ചെയ്യാൻ താത്പര്യമുണ്ടെന്ന സന്തോഷ് വർക്കിയുടെ വെളിപ്പെടുത്തൽ സമൂഹമാദ്ധ്യമങ്ങളിൽ വലിയ ചർച്ചയായിരുന്നു.
വിവാഹത്തിനായി താത്പര്യം പ്രകടിപ്പിച്ച് തന്റെ പുറമേ വന്നാലും നിത്യമേനോനെ ഇനി വേണ്ടന്ന് സന്തോഷ് വർക്കി ഫേസ്ബുക്കിൽ കുറിച്ചു. നല്ലൊരു വ്യക്തിയായിരുന്നു നിത്യ എങ്കിൽ തന്റെ താത്പര്യം അറിഞ്ഞതിന് ശേഷം മൊെബെൽ നമ്പർ എങ്കിലും തരുമായിരുന്നു. എന്നാൽ തന്നില്ല. ഇത്രയ്ക്കും ഹൃദയമില്ലാത്ത ആളെ തനിക്ക് വിവാഹം കഴിക്കേണ്ടെന്നും സന്തോഷ് വർക്കി പറഞ്ഞു.
നിത്യയ്ക്കായി സമയവും, ഊർജ്ജവും, പരിശ്രമവും പാഴാക്കി. ഒരു പാട് ചതികളും വഞ്ചനകളും നടത്തുന്ന ഹൃദയമില്ലാവരുടെ ഫീൽഡ് ആണ് സിനിമ. ഒരിക്കൽ തന്റെ സത്യസന്ധമായ പ്രണയത്തെക്കുറിച്ച് ഓർത്ത് നിത്യ വിഷമിക്കും. തന്നെ നിത്യ അർഹിക്കുന്നില്ലെന്നും സന്തോഷ് വർക്കി ഫേസ്ബുക്കിൽ കുറിച്ചു.
Comments