ദിലീപ്-കാവ്യ മാധവൻ ദമ്പതികളുടെ മകൾ മഹാലക്ഷ്മിയുടെ പുതിയ ചിത്രങ്ങൾ സോഷ്യൽ മീഡിയയിൽ വൈറലാകുന്നു. സെലിബ്രിറ്റി/ഫാഷൻ ഫോട്ടോഗ്രാഫർ അനൂപ് ഉപാസന പകർത്തിയ ചിത്രങ്ങളാണ് സമൂഹമാദ്ധ്യമങ്ങളിൽ ശ്രദ്ധനേടുന്നത്. ഇരുവരുടേയും ആരാധകർ ചിത്രം ഏറ്റെടുത്തിട്ടുണ്ട്.
കഴിഞ്ഞ ഒക്ടോബർ മാസത്തിൽ ആദ്യാക്ഷരം കുറിച്ച മഹാലക്ഷ്മിയുടെ ചിത്രമാണ് ഏറ്റവും ഒടുവിൽ പുറത്തുവനന്ത്. ദിലീപിന്റെ മടിയിൽ ഇരുന്ന് അക്ഷരം കുറിച്ച മഹാലക്ഷ്മിയ്ക്കൊപ്പം കാവ്യയും മീനാക്ഷിയും ഉണ്ടായിരുന്നു. അനൂപ് ഉപാസന പകർത്തിയ ചിത്രമാണ് അന്നും വൈറലായത്.
2018 ഒക്ടോബർ 19നാണ് മഹാലക്ഷ്മിയുടെ ജനനം. 2018 നവംബർ 17നായിരുന്നു പേരിടൽ ചടങ്ങ്. വിജയദശമി ദിനത്തിൽ ജനിച്ചതിനാലാണ് കുടുംബം മഹാലക്ഷ്മി എന്ന പേര് നൽകിയത്.
