‘സീതാ രാമം’ എന്ന തെലുങ്ക് ചിത്രത്തിന്റെ ആദ്യ ദൃശ്യങ്ങൾ പുറത്തിറങ്ങി. ദുൽഖർ സൽമാൻ ആണ് സിനിമയിലെ പ്രധാന കഥാപത്രത്തെ അവതരിപ്പിക്കുന്നത്. സൈനികന്റെ വേഷത്തിലാണ് ദുർഖർ സീതാരാമത്തിലെത്തുന്നത്. ഹനു രാഘവപുടി സംവിധാനം നിർവ്വഹിക്കുന്ന ചിത്രം വൈജയന്തി മൂവീസും സ്വപ്ന സിനിമയും ചേർന്നാണ് നിർമിച്ചിരിക്കുന്നത്.
ലെഫ്റ്റനന്റ് റാമിന്റെ പ്രണയകഥ എന്ന ടാഗ് ലൈനോടുകൂടിയാണ് ചിത്രത്തിന്റെ വീഡിയോ പുറത്തിറങ്ങിയിരിക്കുന്നത്. ചിത്രത്തിന് വൻ സ്വീകാര്യതയാണ് ആരാധകരുടെ ഭാഗത്തു നിന്നും ലഭിച്ചത്. രശ്മി മന്ദാന്ന, മൃണാൾ താക്കൂർ എന്നിവരാണ് നായികമാർ. ചിത്രത്തിന് വിശാൽ ചന്ദ്രശേഖർ സംഗീത സംവിധാനവും പി.എസ്. വിനോദ് ഛായാഗ്രഹണവും നിർവഹിക്കുന്നു.
