ന്യൂഡൽഹി: ഡൽഹി മെട്രോ സ്റ്റേഷനിലെ കെട്ടിടത്തിൽ നിന്നും താഴേക്ക് ചാടിയ പെൺകുട്ടിയെ രക്ഷപ്പെടുത്തി സിഐഎസ്എഫ് ഉദ്യോഗസ്ഥർ. അക്ഷർധാം മെട്രോ സ്റ്റേഷനിലെ 40 അടി ഉയരമുള്ള കെട്ടിടത്തിൽ നിന്നാണ് പെൺകുട്ടി ചാടിയത്. രാവിലെ 7.30ഓടെയായിരുന്നു സംഭവം.
Girl Jumps Off Delhi Metro's Akshardham Station in Suicide Attempt.
Prompt action by the Central Industrial Security Force (CISF) personnel saved the woman. #ViralVideo #CISF #Akshardham #DelhiMetro pic.twitter.com/ZVQOpUFn0s
— Organiser Weekly (@eOrganiser) April 14, 2022
നിസാര പരിക്കേറ്റ പെൺകുട്ടിയെ ഉടൻ തന്നെ ആശുപത്രിയിൽ പ്രവേശിപ്പിച്ചിരുന്നു. മെട്രോസ്റ്റേഷനിലെ പ്ലാറ്റ് ഫോം നമ്പർ രണ്ടിലാണ് സംഭവമുണ്ടായത്. പെൺകുട്ടി ചാടാൻ ശ്രമിക്കുന്നതിനിടെ സിഐഎസ്എഫ് ഉദ്യഗസ്ഥരെത്തി പിന്തിരിപ്പിക്കാൻ ശ്രമിക്കുന്നതിന്റെയും പിന്നീട് ചാടിയ പെൺകുട്ടിയെ രക്ഷിക്കുന്നതിന്റെയും ദൃശ്യങ്ങൾ സമൂഹമാദ്ധ്യമങ്ങളിലൂടെ പുറത്തുവന്നിട്ടുണ്ട്.
താഴേക്ക് ചാടിയ പെൺകുട്ടിയെ കട്ടിയുള്ള ബ്ലാങ്കെറ്റ് വിരിച്ച് പിടിച്ചാണ് സിഐഎസ്എഫ് ഉദ്യഗസ്ഥർ രക്ഷിച്ചത്. ഏകദേശം 22 വയസ് തോന്നിക്കുന്ന പെൺകുട്ടി പഞ്ചാബ് സ്വദേശിയാണെന്നാണ് വിവരം.
