വാഹനാപകടത്തെ തുടർന്ന് ഡെലിവറി ബോയിയെ നടുറോട്ടിൽ ചെരുപ്പൂരി അടിച്ച് യുവതി; വൈറലായി വീഡിയോ

ഭോപ്പാൽ : സ്‌കൂട്ടറിൽ ഇടിച്ച് അപകടമുണ്ടാക്കിയ ഫുഡ് ഡെലിവറി ബോയിയെ ചെരുപ്പൂരിയടിച്ച് യുവതി. മദ്ധ്യപ്രദേശിലെ ജബൽപൂരിലുള്ള റാസൽ ചൗക്കിലാണ് സംഭവം. ട്രാഫിക് നിയമങ്ങൾ ലംഘിച്ച് ഇരുചക്രവാഹനത്തിൽ എത്തിയ ഡെലിവറി ബോയ് യുവതിയുടെ സ്‌കൂട്ടറിൽ ചെന്ന് ഇടിക്കുകയായിരുന്നു.

വ്യാഴാഴ്ച വൈകീട്ടോടെയാണ് സംഭവം നടന്നത്. റാസൽ ചൗക്കിലൂടെ യുവതി സ്‌കൂട്ടറിൽ സഞ്ചരിക്കുന്നതിനിടെയാണ് റോങ് സൈഡിലൂടെ ഡെലിവറി ബോയ് ബൈക്കുമായെത്തിയത്. ബൈക്ക് ഇടിച്ച് യുവതി റോഡിൽ വീണു. എന്നാൽ നിലത്തുനിന്ന് എഴുന്നേറ്റ് വന്ന യുവതി ഇയാളെ ചെരുപ്പൂരി അടിക്കുകയായിരുന്നു. ഇതിന്റെ വീഡിയോ ആരോ പകർത്തി സമൂഹമാദ്ധ്യമങ്ങളിൽ പങ്കുവെച്ചു. മണിക്കൂറുകൾ കൊണ്ടാണ് വീഡിയോ വൈറലായത്.

#MadhyaPradesh: A girl beat up a biker with shoes near Russel Chowk of #Jabalpur district on Thursday evening after the youth arrived from wrong side and collided with her scooty. pic.twitter.com/PLZNE1ELDD

— Free Press Journal (@fpjindia) April 15, 2022

എന്നാൽ അപകടം നടക്കുന്ന സമയത്ത് യുവതി ഫോണിൽ സംസാരിക്കുകയായിരുന്നു എന്നാണ് കണ്ടുനിന്നവർ പറയുന്നത്. സംഭവത്തിൽ പരാതി ലഭിച്ചിട്ടില്ലെന്നും, പരാതി നൽകിയാൽ അന്വേഷിക്കുമെന്നും പോലീസ് അറിയിച്ചു.