ഷാങ്ഹായ്: കൊറോണ വ്യാപനം നാൾക്കു നാൾ നിയന്ത്രണാതീതമാകുന്ന ചൈനയിലെ ഷാങ്ഹായ് നഗരത്തിന്റെ നിലവിലെ അവസ്ഥ പരിതാപകരമെന്ന് റിപ്പോർട്ട്. മാസങ്ങളായുള്ള ലോക്ഡൗണും കടുത്ത നിയമങ്ങളും കാരണം പൊറുതി മുട്ടിയ ജനങ്ങൾ തമ്മിൽ സംഘർഷം രൂക്ഷമാണെന്നാണ് വിവരം. കൊറോണ രോഗലക്ഷണങ്ങൾ കാണിക്കുന്നവരേയും നിയന്ത്രണങ്ങളിൽ ചെറിയ വീഴ്ച വരുത്തുന്നവരേയും പ്രതികാര ബുദ്ധിയോടെയാണ് ഷാങ്ഹായ് നിവാസികൾ കാണുന്നത്. കൊറോണയുടെ പേരിൽ നഗരത്തിൽ ഏറ്റുമുട്ടലുകളും വാക്കേറ്റവും പതിവാണെന്നാണ് റിപ്പോർട്ട്.
ആവശ്യത്തിന് ഭക്ഷണവും മറ്റ് വസ്തുക്കളും ലഭിക്കാതെ വന്നതോടെ ജനങ്ങളുടെ നിയന്ത്രണം വിട്ടിരിക്കുകയാണ്.നിരവധി പേരാണ് ജീവിതമാർഗങ്ങൾ അടഞ്ഞതോടെ ആത്മഹത്യ ചെയ്തതത്. ഭക്ഷണം ലഭിക്കാനായി പലരും തങ്ങളെ ജയിലടയ്‌ക്കാനായി ആവശ്യപ്പെടുന്നുവെന്നും നേരത്തെ റിപ്പോർട്ടുകൾ പുറത്തു വന്നിരുന്നു.
കഴിഞ്ഞ ഒരു മാസത്തോളമായി ഷാങ്ഹായിയിൽ തുടരുന്ന ലോക്ക്ഡൗണിൽ അകപ്പെട്ട് 25 ദശലക്ഷത്തോളം ജനങ്ങൾ ബുദ്ധിമുട്ടുകൾ നേരിടുന്നതായാണ് വിവരം. ചൈനയുടെ സാമ്പത്തിക കേന്ദ്രമായ ഷാങ്ഹായിലെ പ്രശനങ്ങൾ ഗുരുതരമായിട്ടും ജനങ്ങൾ തമ്മിൽ പോരടിച്ചിട്ടും കണ്ടില്ലെന്ന് നടിക്കുകയാണ് ഷി ജിൻ പിംഗ് സർക്കാർ.
Comments