മാരാർജി സ്മൃതിദിനം ആചരിച്ച് ബിജെപി; പയ്യാമ്പലം സ്മൃതി മണ്ഡപത്തിൽ പുഷ്പാർച്ചന; മുതിർന്ന നേതാക്കൾ പങ്കെടുത്തു

തിരുവനന്തപുരം: ജനസംഘത്തിന്റെയും ബിജെപിയുടെയും ആദ്യകാല നേതാവായ കെജി മാരാരുടെ സ്മൃതിദിനം സംസ്ഥാനമെങ്ങും സമുചിതമായി ആചരിച്ച് ബിജെപി. വിവിധ കേന്ദ്രങ്ങളിൽ നടന്ന പരിപാടികളിൽ പുഷ്പാർച്ചനയും അനുസ്മരണ പ്രഭാഷണങ്ങളും നടന്നു. മുതിർന്ന നേതാക്കൾ ഉൾപ്പെടെയുളളവർ പങ്കെടുത്തു.

ബിജെപി സംസ്ഥാന കാര്യാലയത്തിൽ നടന്ന പരിപാടിയിൽ സംസ്ഥാന അദ്ധ്യക്ഷൻ കെ.സുരേന്ദ്രൻ, മുതിർന്ന നേതാവ് ഒ.രാജഗോപാൽ, കുമ്മനം രാജശേഖരൻ തുടങ്ങിയ നേതാക്കൾ പങ്കെടുത്തു. രാവിലെ കണ്ണൂർ പയ്യാമ്പലം മാരാർജി സ്മൃതി മണ്ഡപത്തിൽ പുഷ്പാർച്ചന നടന്നു. ബിജെപി ജില്ലാ ആസ്ഥാനമായ മാരാർജി ഭവനിൽ നടന്ന പരിപാടിയിൽ ദേശീയ നിർവാഹക സമിതി അംഗം പി കെ കൃഷ്ണദാസ് പുഷ്പാർച്ചന നടത്തി.

പാലക്കാട് ജില്ലാ കമ്മിറ്റിയുടെ നേതൃത്വത്തിലും അനുസ്മരണ യോഗം നടന്നു. ജില്ലാ അദ്ധ്യക്ഷൻ കെ.എം.ഹരിദാസ് ഉൾപ്പെടെയുളളവർ പങ്കെടുത്തു. കൊല്ലം ജില്ലാ ഓഫീസിൽ നടന്ന പരിപാടി ജില്ലാ ജനറൽ സെക്രട്ടറി അഡ്വ. വി. വിനോദ് ഉദ്ഘാടനം ചെയ്തു. മറ്റ് ജില്ലകളിലും അനുസ്മരണ പരിപാടികൾ സംഘടിപ്പിച്ചിരുന്നു.