കണ്ണൂർ: ചോദ്യ പേപ്പർ ആവർത്തന വിവാദത്തിന് പിന്നാലെ കണ്ണൂർ സർവ്വകലാശാലയ്ക്കെതിരെ ആരോപണവുമായി വിദ്യാർത്ഥികൾ. സർവ്വകലാശാല ബിബിഎ ആറാം സെമസ്റ്റർ സിലബസ് കോപ്പിയടിച്ചതായി ആണ് വിദ്യാർത്ഥികൾ ആരോപിക്കുന്നത്.
സ്റ്റോക്ക് ആൻഡ് കമ്മോഡിറ്റി മാർക്കറ്റ് പേപ്പറിന്റെ സിലബസ് കോപ്പിയടിച്ചതായാണ് പരാതി. ബെംഗളൂരു സർവ്വകലാശാലയുടെ സിലബസ് കോപ്പിയടിച്ചെന്നാണ് വിദ്യാർത്ഥികൾ ചൂണ്ടിക്കാട്ടുന്നത്.പരീക്ഷയ്ക്ക് തയ്യാറെടുക്കുന്നതിനിടെ ചില വിദ്യാർത്ഥികളാണ് ഇക്കാര്യം അദ്ധ്യാപകരുടെ ശ്രദ്ധയിൽപ്പെടുത്തിയത്.
ബെംഗളൂരു സർവകലാശാലയുടെ ബികോം സപ്ലൈ ചെയ്ൻ മാനേജ്മെന്റ് കോഴ്സിലെ സ്റ്റോക്ക് ആന്റ് കമ്മോഡിറ്റി മാർക്കറ്റ് എന്ന പേപ്പറിന്റെ സിലബസ് തയ്യാറാക്കി ഇരിക്കുന്നതെന്നാണ് ആക്ഷേപം. ബെംഗളൂരു സർവ്വകലാശാലയുടെ അതേ സിലബസാണ് കണ്ണൂർ സർവ്വകലാശാല സിലബസിന്റെ അഞ്ച് മൊഡ്യൂളുകളും.
അതേസമയം കണ്ണൂർ സർവകലാശാല ചോദ്യപേപ്പർ ആവർത്തിച്ച സംഭവം വൈസ് ചാൻസലർ നേരിട്ട് അന്വേഷിക്കുകയാണ്.രണ്ടംഗസമിതി റിപ്പോർട്ട് സിൻഡിക്കേറ്റ് യോഗം ചർച്ച ചെയ്തിരുന്നു.സിൻഡിക്കേറ്റാണ് വി.സിയോട് നേരിട്ട് അന്വേഷിക്കാൻ നിർദ്ദേശിച്ചത്
