ന്യൂഡൽഹി: ഗൗതമ ബുദ്ധന്റെ ജൻമദേശമായി കരുതുന്ന നേപ്പാളിലെ ലുംബിനിയിൽ സന്ദർശനം നടത്താൻ ഒരുങ്ങി പ്രധാനമന്ത്രി നരേന്ദ്രമോദി. ഈ മാസം 16 ന് ബുദ്ധ പൂർണിമയിലാണ് പ്രധാനമന്ത്രി ലുംബിനിയിൽ ഔദ്യോഗിക സന്ദർശനം നടത്തുക. നേപ്പാൾ പ്രധാനമന്ത്രി ഷേർ ബഹാദൂർ ദേബയുടെ ക്ഷണപ്രകാരമാണ് സന്ദർശനം.
ലുംബിനിയിലെ മായാദേവി ക്ഷേത്രം സന്ദർശിച്ച് അദ്ദേഹം പ്രാർത്ഥന നടത്തും. നേപ്പാൾ സർക്കാരിന്റെ കീഴിലുള്ള ലുംബിനി ഡെവലപ്പമെന്റ് ട്രസ്റ്റ് സംഘടിപ്പിക്കുന്ന ബുദ്ധജയന്തി പരിപാടിയിലും പ്രധാനമന്ത്രി പ്രസംഗിക്കും. ലുംബിനി മൊണാസ്റ്റിക് സോണിൽ
ന്യൂഡൽഹിയിലെ ഇന്റർനാഷണൽ ബുദ്ധിസ്റ്റ് കോൺഫെഡറേഷന്റെ (ഐബിസി) സ്ഥലത്ത് നിർമ്മിക്കുന്ന ബുദ്ധ സംസ്കാര പൈതൃക കേന്ദ്രത്തിന്റെ തറക്കല്ലിടൽ ചടങ്ങിലും പ്രധാനമന്ത്രി പങ്കെടുക്കും.
2014ന് ശേഷം പ്രധാനമന്ത്രിയുടെ അഞ്ചാമത്തെ നേപ്പാൾ സന്ദർശനമാണിത്. ഇരു പ്രധാനമന്ത്രിമാരും ഉഭയകക്ഷി കൂടിക്കാഴ്ചയും നടത്തും. അയൽപക്കം ആദ്യം എന്ന നയത്തിന്റെ ഭാഗമായി നേപ്പാളുമായുളള ഇന്ത്യയുടെ ബന്ധം ഊട്ടിയുറപ്പിക്കുന്നതാണ് പ്രധാനമന്ത്രിയുടെ സന്ദർശനം.
Comments