ഒരു പുരുഷനെ കഷണ്ടി എന്ന് വിളിക്കുന്നത് ലൈംഗിക അധിക്ഷേപമായി കണക്കാക്കാമെന്ന് യുകെ എംപ്ലോയ്മെന്റ് ട്രിബ്യൂണൽ. കഷണ്ടി എന്ന വാക്ക് ലൈംഗികതയുമായി ബന്ധപ്പെട്ടിട്ടുണ്ടെന്നും വിവേചനപരമാണെന്നും ട്രിബ്യൂണൽ വ്യക്തമാക്കി. വെസ്റ്റ് യോർക്ക്ഷർ ആസ്ഥാനമായുള്ള ബഗ് കമ്പനിയ്ക്കെതിരെ ടോണി ഫിൻ എന്നയാൾ നൽകിയ പരാതിയിലാണ് തീരുമാനം.
24 വർഷത്തോളം ജോലി ചെയ്തിരുന്ന സ്ഥാപനത്തിൽ നിന്നും പിരിച്ചുവിട്ടതിനെ തുടർന്ന് ടോണി പരാതി നൽകിയിരുന്നു. തന്റെ കമ്പനിയിൽ നിന്നും പുറത്താക്കുന്നതിന് മുൻപ് ഒരു സഹപ്രവർത്തകൻ കഷണ്ടിയെന്ന് വിളിച്ച് ലൈംഗിക അധിക്ഷേപം നടത്തിയെന്ന് ടോണി പരാതിയിൽ പറയുന്നു. 2021 മെയിലാണ് കേസിനാസ്പദമായ സംഭവം നടക്കുന്നത്.
കഷണ്ടി സ്ത്രീകളെക്കാൾ പുരുഷന്മാരിലാണ് കൂടുതലായി കാണപ്പെടുന്നത്. അതിനാൽ ഒരാളെ വിവരിക്കാൻ കഷണ്ടി എന്നത് ഉപയോഗിക്കുന്നത് വിവേചന പരമാണെന്ന് ട്രിബ്യൂണലിലെ ഒരു ജഡ്ജി പറഞ്ഞു. വിധിന്യായത്തിൽ, ഒരു വശത്ത് ‘കഷണ്ടി’ എന്ന വാക്കും മറുവശത്ത് ലൈംഗികതയുടെ സംരക്ഷിത സ്വഭാവവും തമ്മിൽ ബന്ധമുണ്ടെന്നും വിധിയിൽ പറയുന്നു.
Comments