തിരുവനന്തപുരം; കേന്ദ്രാനുമതി ലഭിക്കാതെ കെ റെയിൽ പദ്ധതിയുമായി മുന്നോട്ട് പോകാനാവില്ലെന്ന് മുഖ്യമന്ത്രി പിണറായി വിജയൻ.രാഷ്ട്രീയ സമരങ്ങളുടെ കാര്യത്തിൽ നിശബ്ദരാകരുതെന്നും പ്രതിപക്ഷ സമരം വികസനം അട്ടിമറിക്കാനാണെന്നും മുഖ്യമന്ത്രി കുറ്റപ്പെടുത്തി.
പ്രതിപക്ഷ ഉദ്ദേശ്യം തുറന്നു കാട്ടണമെന്ന് അദ്ദേഹം പറഞ്ഞു.തിരുവനന്തപുരം വിളപ്പിൽശാലയിൽ വികസന സെമിനാറിൽ പങ്കെടുക്കുകയായിരുന്നു മുഖ്യമന്ത്രി.
എന്തുവന്നാലും പദ്ധതി നടപ്പാക്കുമെന്ന് ആവർത്തിച്ചിരുന്ന മുഖ്യമന്ത്രി ഇതാദ്യമായാണ് പദ്ധതിയ്ക്കെതിരെ പരസ്യമായി പ്രസ്താവന നടത്തുന്നത്. തൃക്കാക്കര തിരഞ്ഞെടുപ്പ് ഫലവും നിലവിലെ രാഷ്ട്രീയ സാഹചര്യങ്ങളുമാകാം മുഖ്യമന്ത്രി നിലപാട് തിരുത്തുന്നതിന് കാരണമായതെന്നാണ് വിലയിരുത്തൽ.
അതേസമയം മുഖ്യമന്ത്രിക്കെതിരായി സംസ്ഥാനവ്യാപകമായി പ്രതിഷേധം തുടരുകയാണ്. പ്രതിഷേധക്കാരെ പ്രതിരോധിക്കാൻ ആയുധങ്ങളുമായി സിപിഎം രംഗത്തുണ്ട്. ഡിവൈഎഫ്ഐ ഗുണ്ടകളുടെ ആക്രമണത്തിൽ നിരവധി പ്രതിഷേധക്കാർക്ക് പരിക്കേറ്റു.കറുപ്പണിഞ്ഞെത്തിയ യുവമോർച്ച പ്രവർത്തരും യൂത്ത് കോൺഗ്രസ് പ്രവർത്തകരും ഇന്ന് മുഖ്യമന്ത്രിയെ കരിങ്കൊടി കാട്ടി പ്രതിഷേധിച്ചു.
