പ്രായം അതൊരു വലിയ കാര്യം തന്നെയാണ് .ഒരോ വയസ് കൂടുമ്പോഴും നമ്മുടെ ചർമ്മത്തിൽ ഉണ്ടാകുന്ന മാറ്റങ്ങൾ സൂക്ഷ്മമായി നാം നിരീക്ഷിക്കാറുണ്ട്.പ്രായം കൂടുന്നതനുസരിച്ച് ചർമ്മത്തിൽ ചുളിവുകളും വരകളും ഒക്കെ വരും .പക്ഷേ പലർക്കും അത്തരത്തിലുള്ള മാറ്റങ്ങൾ അംഗീകരിക്കാൻ ലേശം ബുദ്ധിമുട്ടാണ് .അത് മാത്രമല്ല ചിലരിൽ ചെറുപ്രായത്തിൽ തന്നെ ചർമ്മത്തിൽ വരകളും ,ചുളിവുകളും ഒക്കെ വരാറുണ്ട്.ഇങ്ങനെ അകാലത്തിൽ വരുന്ന പ്രായത്തിന്റെ അടയാളങ്ങൾ എങ്ങനെ ഒഴിവാക്കാം ?പലരുടെയും ആശങ്കയാണ് ഇത് . എന്നാൽ എങ്ങനെ അകാലത്തിൽ വരുന്ന പ്രായത്തിന്റെ അടയാളങ്ങൾ ഒഴിവക്കാം എന്ന് പറയുന്നതിന് മുമ്പ് എങ്ങനെ ഇവ വരുന്ന് എന്ന് നാം അറിയേണ്ടതുണ്ട് ..
ആദ്യത്തേത് മുഖത്തിന്റെ ചലനങ്ങളാണ് .മുഖത്തിന്റെ പതിവായ ചലനങ്ങൾ മുഖ ചർമ്മത്തിൽ ഇത്തരത്തിലുള്ള അടയാളങ്ങൾ ഉണ്ടാക്കുന്നതിന് കാരണമാകും .ഏറ്റവും അധികം തവണ മുഖം എങ്ങനയാണോ ചലിപ്പിക്കുന്നത് അതിന് അനുസരിച്ച് ഇവപ്രത്യക്ഷപ്പെടാം.
നിർജലീകരണം : നമ്മുടെ ശരീരത്തിൽ ആവശ്യത്തിന് ജലാംശം ഇല്ലെങ്കിലും ചർമ്മ പ്രശ്നങ്ങൾ ഉണ്ടാകാം. ഇത് പ്രായം കൂടുതലായി തോന്നുന്നതിന്റെ ഒരു കാരണമാണ് .
പുകവലി : പുരുഷന്മാരിലായാലും ,സ്ത്രീകളിലായാലും പുകവലി അകാലത്തിൽ ്രപായം തോന്നിക്കുന്നതിന്റെ കാരണമാകാറുണ്ട്. ഇത് ചർമ്മത്തെ തന്നെയാണ് കൂടുതലായി ബാധിക്കുന്നത്.
വിഷാംശം : പരോക്ഷമായി ശരീരത്തിലെത്തുന്ന വിഷാംശങ്ങളും മുഖചർമ്മത്തിന് പ്രായമേറിയതായി തോന്നിപ്പിക്കുന്ന ഒരു കാരണമാണ്.
ഇനി ചൂട് കൂടുതലുള്ള ഇന്നത്തെ കാലത്ത് അൾട്രാവയലറ്റ് കിരണങ്ങൾ എന്നത് ഏറ്റവും പ്രധാനപ്പെട്ട കാരണങ്ങളിൽ ഒന്നാണ്. വെയിലത്ത് പതിവായി സമയം ചെലവിടുന്നവരിലാണ് ഈ പ്രശ്നം കൂടുതലായി കാണപ്പെടുന്നത്.
എങ്ങനെ ഈ പ്രശ്നം പരിഹരിക്കാം
നിത്യജീവിതത്തിൽ ചില കാര്യങ്ങൾ ശ്രദ്ധിച്ചാൽ മാത്രം മതിയാകും അതിന് .ആവശ്യത്തിന് വെള്ളം കുടിക്കുക,ഉറങ്ങുക,ബാലൻസ്ഡ് ആയ ഡയറ്റ് പാലിക്കുക, മാനസിക സമ്മർദ്ദങ്ങളില്ലാതെ സന്തോഷപൂർവം മുന്നോട്ടുപോവുക എന്നിവയെല്ലാം പ്രശ്ന പരിഹാരവുമായി ബന്ധപ്പെട്ട് കിടക്കുന്നു.അതുപോലെ തന്നെ വെയിലത്ത് ഇറങ്ങുന്നവർ സൺസ്ക്രീൻ ഉപയോഗിക്കുക, മലിനമായ അന്തരീക്ഷത്തിൽ നിന്ന് മാറിനിൽക്കുക, പുകവലി പോലുള്ള ദുശ്ശീലങ്ങൾ ഒഴിവാക്കുക തുടങ്ങിയ കാര്യങ്ങൾ ശ്രദ്ധിക്കുന്നതും നല്ലതാണ് .
ഇവക്കെല്ലാം പുറമെ സ്കിൻ കെയർ റുട്ടീന് വളരെയധികം പ്രാധാന്യമുണ്ട്. ദിവസവും രാവിലെയും വൈകിട്ടും മുഖം നന്നായി കഴുകി, മോയിസ്ചറൈസ് ചെയ്ത് സൺസ്ക്രീൻ ഇടേണ്ടതും നിർബന്ധമാണ്. ഇത്തരത്തിൽ അകാലത്തിൽ വരുന്ന അടയാളങ്ങൾ ഇല്ലാതാക്കാൻ ചില ചികിത്സാരീതികളും ഇന്ന് ലഭ്യമാണ്. ലേസർ ചികിത്സ, സ്കിൻ പീലിംഗ്, ഇൻജക്ഷൻ, അൾട്രാസൗണ്ട് തെറാപ്പി എന്നിവയെല്ലാം ഇതിൽ വരുന്നതാണ്. സപ്ലിമെൻറുകൾ പോലുള്ള ചികിത്സകളും ഉണ്ട്. ഇത്തരത്തിലുള്ള ചികിത്സകൾ ഡോക്ടർ തന്നെ നിർദേശിക്കേണ്ടതാണ്. നിർദ്ദേശം ഇല്ലാതെസ്വയം ചികിത്സ നടത്തുന്നത് കൂടുതൽ പ്രശ്നങ്ങളിലേക്ക് എത്തപ്പെടാനുളള സാദ്ധ്യത ഉണ്ടെന്ന മുന്നറിയിപ്പും മറക്കരുത്.
Comments