ക്രിസ്റ്റ്യാനോയുടെ 14 കോടിയുടെ കാർ അപകടത്തിൽപ്പെട്ടു

മയ്യോർക്ക: ഫുട്‌ബോൾ താരം ക്രിസ്റ്റ്യാനോ റൊണാൾഡോയുടെ ആഡംബര കാർ അപകടത്തിൽപ്പെട്ടു. ഏകദേശം 14 കോടിയിലധികം രൂപ വില വരുന്ന ബുഗാട്ടി വെയ്‌റോൺ എന്ന സ്‌പോർട്‌സ് കാറാണ് അപകടത്തിൽ പെട്ടത്. സ്‌പെയിനിലെ മയോർക്കിൽ വച്ചായിരുന്നു സംഭവം. സ്പാനിഷ് മാദ്ധ്യമങ്ങളാണ് ഈ വാർത്ത റിപ്പോർട്ട് ചെയ്തത്.

ക്രിസ്റ്റ്യാനോ ഈ സമയം വണ്ടിയിൽ ഉണ്ടായിരുന്നില്ല. അദ്ദേഹത്തിന്റെ ജീവനക്കാരാണ് വാഹനത്തിൽ ഉണ്ടായിരുന്നത്.അപകടത്തിൽ ആർക്കും പരിക്കേറ്റിട്ടില്ല. അമിതവേഗതയിൽ എത്തിയ കാർ വളവ് തിരിച്ചപ്പോൾ നിയന്ത്രണം വിട്ടതാണെന്നാണ് സൂചന. സമീപത്തുള്ള ഒരു വീടിന്റെ മതിലിലേക്കാണ് കാർ ഇടിച്ച് കയറിയത്. കാറിന്റെ എഞ്ചിൻ അപകടത്തിൽ തകർന്നു.

Cristiano Ronaldo 's Bugatti Veyron suffered an accident on Monday morning in Mallorca. Apparently Cristiano was not inside the vehicle. [@UHmallorca] #mufc pic.twitter.com/WtG5crWWsd

— The United Stand (@UnitedStandMUFC) June 20, 2022

അവധി ആഘോഷിക്കാനായി സ്‌പെയിനിലെത്തിയ റൊണാൾഡോ പോർച്ചുഗലിൽ നിന്നും കാർ മയ്യോർക്കയിലേക്ക് എത്തിക്കുകയായിരുന്നു. ബുഗാട്ടി വെയ്‌റോൺ, മെഴ്‌സിഡസ് ബെൻസ് ജി ക്ലാസ് കാറുകളുമാണ് സ്‌പെയിനിൽ എത്തിച്ചത്. 2018ലാണ് അപകടത്തിൽ തകർന്ന കാർ ക്രിസ്റ്റ്യാനോ സ്വന്തമാക്കിയത്. അപകടത്തിന്റെ ഉത്തരവാദിത്തം ക്രിസ്റ്റ്യാനോ ഏറ്റെടുത്തിട്ടുണ്ട്. നഷ്ടം നികത്താനുള്ള നടപടികളും ആരംഭിച്ചു. സംഭവത്തിൽ പോലീസും അന്വേഷണം ആരംഭിച്ചിട്ടുണ്ട്.