ന്യൂഡൽഹി: വാണിജ്യ ആവശ്യങ്ങൾക്കായി ഉപയോഗിക്കുന്ന പാചക വാതക സിലിണ്ടറുകളുടെ വില വീണ്ടും കുറച്ചു. 198 രൂപയാണ് കുറച്ചത്. ഇന്ന് മുതൽ പുതിയ വില പ്രാബല്യത്തിൽ വരും.
ഇതോടെ ഡൽഹിയിൽ 19 കിലോയുടെ പാചകവാതക സിലിണ്ടറുകൾക്ക് 2021 രൂപയായി കുറഞ്ഞിട്ടുണ്ട്. ഹോട്ടലുകൾ ഉൾപ്പെടെ ഭക്ഷണശാലകൾക്കും ക്യാന്റീനുകൾക്കും വിലക്കുറവ് ആശ്വാസം നൽകും.
പുതിയ വില അനുസരിച്ച് കൊൽക്കത്തയിൽ 182 രൂപയും ചെന്നൈയിൽ 187 രൂപയും ചെന്നൈയിൽ 190.50 രൂപയും സിലിണ്ടറുകൾക്ക് കുറയും.
കഴിഞ്ഞ മാസവും സിലിണ്ടറുകൾക്ക് 135 രൂപ വില കുറച്ചിരുന്നു. ഇതിന് പിന്നാലെയാണ് കൂടുതൽ ആശ്വാസം നൽകുന്ന നടപടി. ഓരോ മാസവും അന്താരാഷ്ട്ര വിപണിയിലെ എണ്ണവില കമ്പനികൾ അവലോകനം ചെയ്താണ് പാചകവാതക സിലിണ്ടറുകളുടെ ഉൾപ്പെടെ നിരക്കുകൾ തീരുമാനിക്കുന്നത്.
