ഐപിഎൽ മുൻ ചെയർമാനും പ്രമുഖ വ്യവസായിയുമായ ലളിത് മോദി, സുസ്മിതാ സെന്നിനെ വിവാഹം കഴിക്കുകയാണെന്ന സൂചന നൽകി ട്വിറ്റർ പോസ്റ്റ് പങ്കുവെച്ചു. നടിയും മുൻ വിശ്വസുന്ദരിയുമായ സുസ്മിതാ സെന്നിനോടൊപ്പം ഇനിയുള്ള ജീവിതം പങ്കിടാൻ ആഗ്രഹിക്കുന്നുവെന്നാണ് ലളിത് മോദി ട്വീറ്റിലൂടെ വ്യക്തമാക്കിയത്. സുസ്മിതയുമായി വിവാഹം വൈകാതെ ഒരു ദിനം സംഭവിക്കുമെന്നും ലളിത് മോദി അറിയിച്ചു.
Just back in london after a whirling global tour #maldives # sardinia with the families – not to mention my #betterhalf @sushmitasen47 – a new beginning a new life finally. Over the moon. 🥰😘😍😍🥰💕💞💖💘💓 pic.twitter.com/Vvks5afTfz
— Lalit Kumar Modi (@LalitKModi) July 14, 2022
Just for clarity. Not married – just dating each other. That too it will happen one day. 🙏🏾🙏🏾🙏🏾🙏🏾 pic.twitter.com/Rx6ze6lrhE
— Lalit Kumar Modi (@LalitKModi) July 14, 2022
ബോളിവുഡിൽ ഏറെ ജനപ്രീതി സ്വന്തമാക്കിയ നടിയാണ് 47-കാരിയായ സുസ്മിതാ സെൻ. 1994ലാണ് അവർ വിശ്വസുന്ദരി പട്ടം നേടിയത്. ഇന്ത്യയിലേക്ക് ആദ്യമായി മിസ് യൂണിവേഴ്‌സ് കിരീടം കൊണ്ടുവന്നത് സുസ്മിതയായിരുന്നു. തുടർന്ന് ബോളിവുഡ് സിനിമാ ലോകത്തെ കീഴടക്കുകയായിരുന്നു നടി.
രണ്ട് ദത്തുപുത്രിമാരാണ് സുസ്മിതയ്‌ക്കുള്ളത്. മൂന്നാമതായി ഒരു ആൺകുഞ്ഞിനെ കൂടി അവർ ദത്തെടുത്തതായി വാർത്തകൾ പുറത്തുവന്നിരുന്നു. എന്നാൽ താൻ മൂന്നാമത്തെ കുഞ്ഞിനെ ദത്തെടുത്തിട്ടില്ലെന്നും വ്യാപകമായി പ്രചരിക്കുന്ന ചിത്ത്രിലുള്ളത് സുഹൃത്തിന്റെ മകനാണെന്നും താരം വെളിപ്പെടുത്തിയിരുന്നു.
തന്റെ 18-ാം വയസിൽ വിശ്വസുന്ദരി പട്ടം നേടിയ അന്നാണ് താൻ കുഞ്ഞുങ്ങളെ ദത്തെടുക്കുമെന്ന കാര്യം സുസ്മിത പ്രഖ്യാപിച്ചത്. ആറ് വർഷങ്ങൾക്ക് ശേഷം ആദ്യ കുഞ്ഞിനെ ദത്തെടുക്കുകയും ചെയ്തു. മാതൃത്വം ഏറെ ഇഷ്ടപ്പെട്ടിരുന്ന സുസ്മിതയുടെ വിവാഹത്തെ സംബന്ധിച്ച കാര്യങ്ങളിൽ ആരാധകർ വലിയ ആകാംക്ഷ പുലർത്തിയിരുന്നു. ഇതിനിടെ റോഹ്മാൻ ഷോളുമായുള്ള സുസ്മിതയുടെ പ്രണയബന്ധം അവസാനിപ്പിച്ചതും ആരാധകർ ഏറെ ചർച്ച ചെയ്ത കാര്യങ്ങളാണ്. ഒടുവിൽ സുസ്മിതയുമായി ജീവിതം പങ്കിടാൻ പോകുന്നുവെന്ന വെളിപ്പെടുത്തൽ ലളിത് മോദി സമൂഹമാദ്ധ്യമത്തിലൂടെ അറിയിച്ചതോടെ വലിയ സന്തോഷത്തിലാണ് ആരാധകർ.
59-കാരനായ ലളിത് മോദി ഐപിഎല്ലിന്റെ ആദ്യ ചെയർമാനാണ്. 2010 വരെ മൂന്ന് വർഷം അദ്ദേഹം ചുമതലയിലിരുന്നിരുന്നു. ബിസിസിഐയുടെ വൈസ് പ്രസിഡന്റായും ചാമ്പ്യൻസ് ലീഗിന്റെ ചെയർമാനായും സേവനമനുഷ്ഠിച്ച ലളിത് മോദി 2018ലാണ് വിവാഹ ബന്ധം വേർപ്പെടുത്തിയത്. അദ്ദേഹത്തിന് രണ്ട് മക്കളുമുണ്ട്. സാമ്പത്തിക ഇടപാടുകേസിൽ ഇഡിയുടെ അന്വേഷണം നേരിടുന്ന ലളിത് മോദി നിലവിൽ ലണ്ടനിലാണ് താമസിക്കുന്നത്.
Comments