ഡൽഹി : ജൂലൈ 18 ന് നടക്കുന്ന NIIO സെമിനാർ പ്രധാനമന്ത്രി നരേന്ദ്ര മോദി അഭിസംബോധന ചെയ്യും . ഡൽഹിയിലെ ഡോക്‌ടർ അംബേദ്‌കർ ഇന്റർനാഷണൽ സെന്ററിൽ വച്ച് നടക്കുന്ന ഇന്നോവേഷൻ ആൻഡ് ഇന്ഡിജനൈസേഷൻ ഓർഗനൈസേഷൻ സെമിനാറിൽ “സ്വാവലംബൻ” എന്ന വിഷയത്തിലായിരിക്കും അദ്ദേഹം കൂടുതലും സംസാരിക്കുക . ആത്മനിർഭർ ഭാരതത്തിന്റെ പ്രാധാന്യത്തെ കുറിച്ചായിരിക്കും പ്രധാനമന്ത്രി പറയാൻ പോകുന്നത് . അതിനുവേണ്ടി രാജ്യം പ്രതിരോധ മേഖലകളിലായിരിക്കണം സ്വയം പര്യാപ്തത കൈവരിക്കേണ്ടതെന്ന് പ്രധാനമന്ത്രിയുടെ ഓഫീസ് അറിയിച്ചു .
ഇന്ത്യൻ നാവികസേനയിലെ തദ്ദേശീയ സാങ്കേതിക വിദ്യയുടെ വളർച്ചക്കും ഉന്നമനത്തിനും കൂടുതൽ ഊർജ്ജം പകരുന്നതിനായി സ്പ്രിന്റ് ചലഞ്ചുകൾ പ്രധാനമന്ത്രി പരിപാടിയിൽ അനാവരണം ചെയ്യും . രാജ്യം 75 മത് സ്വാതന്ത്ര്യ ദിനം ആഘോഷിക്കാൻ പോകുന്ന സാഹചര്യത്തിൽ ഭാരതം മുഴുവനും സർക്കാരും വിവിധ സന്നദ്ധ സംഘടനകളും ചേർന്ന് ആസാദി കാ അമൃത് മഹോത്സവ് എന്ന പേരിൽ വിവിധ പരിപാടികൾ സംഘടിപ്പിക്കുന്നുണ്ട് . ഡിഫൻസ് ഇന്നോവേഷൻ ഓർഗനൈസേഷനുമായി ചേർന്നുകൊണ്ട് ഇന്ത്യൻ നാവിക സേനയിൽ കുറഞ്ഞത് 75 തദ്ദേശീയ സാങ്കേതിക വിദ്യകളും ഉൽപ്പന്നങ്ങളും ഉൾപ്പെടുത്താൻ NIIO ഉദ്ദേശിക്കുന്നുണ്ട് . ഈ പദ്ധതിക്ക് SPRINT എന്നാണ് പേരിട്ടിരിക്കുന്നത് .
പ്രതിരോധ മേഖലയിൽ സ്വയം പര്യാപ്തത നേടുന്നതിന് വേണ്ടി രാജ്യത്തിനകത്തുള്ള വ്യവസായത്തെയും അക്കാദമിക് സംവിധാനങ്ങളെയും ഈ ഉദ്യമത്തിൽ പങ്കാളികളാക്കുക എന്നതാണ് സെമിനാറിന്റെ പ്രധാന ലക്ഷ്യം . ജൂലൈ 18 ,19 എന്നീ രണ്ടു ദിവസങ്ങളിലായി നടക്കുന്ന പരിപാടി പ്രതിരോധം , അക്കാദമിക് , സേവനം തുടങ്ങിയ നിരവധി മേഖലകളിൽ പ്രവർത്തിക്കുന്നവരെ ഒരു കുടക്കീഴിൽ കൊണ്ടുവന്ന് അവരുടെ ആശയങ്ങൾ പ്രതിരോധ മേഖലയിൽ ഉപയോഗപ്പെടുത്തുക എന്നതാണ് ഉദ്ദേശിക്കുന്നത് . പ്രധാനമായും ഇന്നോവേഷൻ , ആയുധനിർമ്മാണം , സ്വദേശിവൽക്കരണം , വ്യോമയാനം തുടങ്ങിയ വിഷയങ്ങളിലായിരിക്കും സെഷനുകൾ നടക്കുക .
സെമിനാറിന്റെ രണ്ടാം ദിവസം ഇന്ത്യൻ മഹാ സമുദ്രത്തിലേക്ക് കൂടുതൽ വ്യാപിക്കേണ്ട സാഹചര്യത്തെ കുറിച്ചായിരിക്കും ചർച്ച നടക്കുക . സാഗർ എന്ന പേരിൽ നടപ്പിലാക്കുന്ന പദ്ധതിയുടെ ഉദ്ദേശം . എല്ലാവർക്കും സുരക്ഷയും വളർച്ചയുമാണ് .
Comments