ലക്നൗ: ആട്ടിൻകുട്ടിയെ രക്ഷിച്ച് ചത്ത കോഴിക്ക് ആദരവുമായി ഗ്രാമവാസികൾ. ഉത്തർപ്രദേശിലെ പ്രതാപ്ഗഡ് ജില്ലയിലെ ബെഹ്ദൗൾ ഗ്രാമത്തിലാണ് അത്യപൂർവ്വ ചടങ്ങ് നടന്നത്.വീട്ടിൽ വളർത്തിയിരുന്ന ആട്ടിൻ കുട്ടിയെ തെരുവ് പട്ടികളുടെ ഇടയിൽ നിന്ന് രക്ഷിക്കുന്നതിനിടെയാണ് ലാലി എന്ന വളർത്ത് കോഴി ചത്തത്.
കോഴിയുടെ ഇടപെടൽ കാരണം ആട്ടിൻകുട്ടി രക്ഷപ്പെട്ടിരുന്നു. ആട്ടിൻകുട്ടിയെ ആക്രമിക്കാൻ വന്ന നായയെ തുരത്താൻ ശ്രമിക്കുന്നതിനിടെ കൂടുതൽ നായക്കൾ വന്ന് ആക്രമിക്കുകയായിരുന്നു. ലാലിയുടെ ഉച്ചത്തിലുള്ള കരച്ചിൽ കേട്ട് വീട്ടുകാർ എത്തുമ്പോഴേക്കും ഗുരുതരമായി പരിക്കേറ്റിരുന്നു.
തങ്ങളുടെ പൊന്നോമനയായ ലാലി എന്ന കോഴി പോരാട്ടത്തിലൂടെ ചത്തിന്റെ ഓർമ്മയ്ക്കാണ് വീട്ടുകാർ ആദരസൂചകമായി ചടങ്ങ് സംഘടിപ്പിച്ചത്. ഉടമയായ ഡോ. സൽക്രം സരോജാണ് പരിപാടിയ്ക്ക് നേതൃത്വം നൽകിയത്.
കഴിഞ്ഞ ദിവസം നടന്ന ചടങ്ങിൽ 500 ലധികം പേരാണ് ലാലിയ്ക്ക് ആദരമർപ്പിക്കാൻ എത്തിയത്. ചടങ്ങിൽ ലാലിയുടെ ആത്മാവിന്റെ നിത്യശാന്തിയ്ക്ക് വേണ്ടി പ്രാർത്ഥനകളും നടത്തി.
