മനുഷ്യരുടെയും മൃഗങ്ങളുടെയും എല്ലാം ആഹാരശൃഖല ഒരു ശ്രണിയാണ്. തവളയെ പാമ്പ് തിന്നുന്നു. പാമ്പിനെ പരുന്ത് അങ്ങനെ നീളുന്നു . സാധാരണയായി എലികൾ അങ്ങനെ തീവ്ര കൊലകൾ ഒന്നും ചെയ്യാറില്ല. തങ്ങളാൽ കഴിയുന്ന ആഹാരം കഴിച്ച് കൃഷികളൊക്കെ നശിപ്പിച്ച് അവ അങ്ങനെ നടക്കും. എന്നാൽ എലി പ്രാവിനെ കൊല്ലാൻ ശ്രമിച്ചതായി എപ്പോഴെങ്കിലും കേട്ടിട്ടുണ്ടോ? സാധാരണ ഗതിയിൽ അത്തരമൊരു സംഭവത്തിന് സാധ്യത വളരെ കുറവാണ്. എന്നാൽ ആ സാധ്യതയെ എല്ലാം മാറ്റി മറിച്ചിരിക്കുകയാണ് സമൂഹമാദ്ധ്യമത്തിൽ പ്രചരിക്കുന്ന ഒരു വീഡിയോ .
ന്യൂയോർക്ക് നഗരത്തിലെ നടപ്പാതകളിലൊന്നിൽ ഒരു കൂറ്റൻ എലി പ്രാവിനെ കൊല്ലാൻ ശ്രമിക്കുന്ന വീഡിയോ ആണ് വൈറലായി മാറിയിരിക്കുന്നത്.എലി പ്രാവിനെ നടപ്പാതയിലൂടെ വലിച്ച് കൊണ്ട് പോകുന്നു. പ്രാവ് ചിറകടിക്കുന്നത് വീഡിയോയിൽ കാണാം. ശേഷം എലി പ്രാവിനെ വാഹനത്തിനടിയിലേക്ക് വലിച്ചിഴച്ച് കൊണ്ട് പോയി കടിച്ച് തിന്നുന്നു.
ബ്രൂക്ലിനിലെ ക്ലിന്റൺ ഹില്ലിലെ ബ്രൂക്ലിൻ-ക്വീൻസ് എക്സ്പ്രസ് വേയ്ക്ക് കീഴിലാണ് സംഭവം.
വാട്ട് ഈസ് ന്യൂയോർക്ക് എന്ന തലക്കെട്ടോടെയാണ് വീഡിയോ സമൂഹമാദ്ധ്യമത്തിൽ പങ്കുവെച്ചിരിക്കുന്നത്. ജെസ്സി സലീനാസ് എന്നയാളാണ് വീഡിയോ ഇൻസ്റ്റഗ്രാമിൽ പങ്ക് വെച്ചത്. 1.8 ദശലക്ഷത്തിലധികം ആളുകൾ ഇത് കണ്ടു, കൂടാതെ 66,684-ലധികം ലൈക്കുകളും ലഭിച്ചിട്ടുണ്ട്.
നിരലവധി പേരാണ് വീഡിയോയ്ക്ക് താഴെ കമന്റുമായി എത്തിയിരിക്കുന്നത്. എലികൾ വളരെ അപൂർവ്വമായാണ് ഇത്തരം സ്വഭാവ പ്രവണതകൾ പുറത്ത് പ്രകടിപ്പിക്കുക. സാധാരണ ഗതിയിൽ പൊതു സ്ഥലങ്ങളിൽ നിന്നും ഇവ വേഗത്തിൽ രക്ഷപ്പെടുകയാണ് പതിവ്.
