”ഹാപ്പി ബർത്ത്‌ഡേ അമ്മീ”; വിജയം അമ്മയ്‌ക്ക് സമ്മാനമായി നൽകി നിഖാത് സെരീൻ; ബോക്‌സിംഗിൽ മെഡലുറപ്പിച്ച് ഇന്ത്യ

കോമൺവെൽത്ത് ഗെയിംസിൽ ബോക്‌സിംഗ് വനിതാ വിഭാഗത്തിന്റെ ക്വാർട്ടർ ഫൈനൽസ് പോരാട്ടത്തിൽ മിന്നും പ്രകടനം കാഴ്ചവെച്ചുകൊണ്ട് ഇന്ത്യയ്‌ക്ക് മെഡൽ ഉറപ്പിച്ചിരിക്കുകയാണ് ലോക ചാമ്പ്യൻ നിഖാത് സെരീൻ. ക്വാർട്ടർ ഫൈനൽസിൽ വെയിൽസിന്റെ ഹെലൻ ജോൺസിനെ 5-0 ത്തിന് തോൽപ്പിച്ചാണ് താരം മുന്നേറിയത്.

മത്സരത്തിൽ വിജയിച്ചതിന് പിന്നാലെ അമ്മയ്‌ക്ക് പിറന്നാൾ ആശംസകൾ നേരുന്ന താരത്തിന്റെ വീഡിയോയാണ് സമൂഹമാദ്ധ്യമങ്ങളിൽ ഇപ്പോൾ വൈറലാകുന്നത്. ” ഹാപ്പി ബർത്ത്‌ഡേ അമ്മീ. ഐലവ്‌യു, ദൈവം നിങ്ങളെ എന്നും സന്തോഷവതിയായി ഇരുത്തട്ടെ” എന്നാണ് താരം ക്യാമറയിലൂടെ പറഞ്ഞത്. തന്റെ വിജയം അമ്മയ്‌ക്ക് പിറന്നാൾ സമ്മാനമായി നൽകുകയായിരുന്നു നിഖാത് സെരീൻ.

The beautiful thing by @nikhat_zareen after winning QF..

"Happy Birthday ammi, Allah aapko khush rakhe" ❤️😍 #B2022 #boxing #NikhatZareen #CommonwealthGames2022 #CWG2022 #TeamIndia @WeAreTeamIndia @Media_SAI pic.twitter.com/lqp4fVkhoX

— Sagar 🕊️ (@imperfect_ocean) August 3, 2022

നിഖാത് സെരീൻ (50 കിലോഗ്രാം), നിതു ഗംഗാസ് (48 കിലോഗ്രാം), മുഹമ്മദ് ഹുസാമുദീൻ (57 കിലോഗ്രാം) എന്നീ മൂന്ന് താരങ്ങളാണ് സെമിയിൽ പ്രവേശിച്ചിരിക്കുന്നത്. ഒളിമ്പ്യൻ ലവ്‌ലിന ബൊർഗൊഹെയ്ൻ അവസാന നിമിഷം പുറത്തായെങ്കിലും ഈ താരങ്ങളിലൂടെ രാജ്യം മൂന്ന് മെഡലുകൾ ഉറപ്പിച്ചിട്ടുണ്ട്.