ലക്നൗ:കാൺപൂരിൽ ദേശീയപതാക വികൃതമാക്കി മുഹറം ഘോഷയാത്ര. പതാകയിൽ അശോകചക്രത്തിന് പകരം മതചിഹ്നങ്ങൾ പതിപ്പിച്ചാണ് ഘോഷ യാത്ര സംഘടിപ്പിച്ചത്. ഘോഷയാത്രയുടെ വീഡിയോ സമൂഹമാദ്ധ്യമങ്ങളിലൂടെ പ്രചരിക്കുന്നുണ്ട്. 33 സെക്കന്റ് ദൈർഘ്യമുള്ളതാണ് വീഡിയോ.
സംഭവത്തിൽ വിശ്വഹിന്ദു പരിഷത്തും ബജ്റംഗ്ദളും കാൺപൂർ പോലീസിൽ പരാതി നൽകി. പതാകയോടുള്ള അനാദരവ് സംബന്ധിച്ചുള്ള പരാതി ലഭിച്ചിട്ടുണ്ടെന്നും കുറ്റക്കാർക്കെതിരെ നടപടിയെടുക്കുമെന്നും കാൺപൂർ പോലീസ് കമ്മീഷണർ ബിപി ജോഗ്ദണ്ട് വ്യക്തമാക്കി.
ഇതിന് മുമ്പ് മുൻ ബിജെപി വക്താവ് നൂപുർ ശർമ്മയ്ക്കെതിരെ നടത്തിയ പ്രതിഷേധത്തിൽ ഇസ്ലാമിക വാക്യങ്ങൾ എഴുതി ചേർത്ത പതാക ഉപയോഗിച്ചത് വലിയ വിവാദമായിരുന്നു.
