ഡൽഹി: ഇന്ത്യയുടെ 75-മത് സ്വാതന്ത്ര്യ ദിനത്തോടനുബന്ധിച്ച് ഡൽഹി മെട്രോയുടെ പാർക്കിങ് സൗകര്യം സുരക്ഷാ മാനദണ്ഡങ്ങളുടെ ഭാഗമായി അടച്ചിടുമെന്ന് ഡി എം ആർ സി അറിയിച്ചു. രാജ്യം കടുത്ത സുരക്ഷാ മാനദണ്ഡങ്ങളാണ് വരും ദിവസങ്ങളിൽ ഒരുക്കിയിരിക്കുന്നത്.
സ്വാതാന്ത്ര്യ ദിനത്തിന് ദിവസങ്ങൾ മാത്രം ബാക്കി നിൽക്കെയാണ് തലസ്ഥാന നഗരിയിലെ എല്ലായിടത്തും കർശന സുരക്ഷക്ക് കേന്ദ്ര സർക്കാർ ഒരുങ്ങുന്നത്. മെട്രോയുടെ പാർക്കിങ് ഓഗസ്റ്റ് 14 രാവിലെ 6 മുതൽ 15 ഉച്ചവരെയാണ് അടച്ചിടുന്നത്. ഈ സമയങ്ങളിൽ യാതൊരു കാരണവശാലും മെട്രോ സ്റ്റേഷന്റെ പാർക്കിങ് സൗകര്യം തുറന്നു കൊടുക്കുന്നതല്ല എന്നും സാധാരണ ദിവസത്തെ പോലെ മെട്രോ റെയിൽ സർവ്വീസ് നടത്തുമെന്നും ഡൽഹി മെട്രോ റെയിൽ കോർപറേഷൻ അധികൃതർ അറിയിച്ചു.
