രാവിലെ എഴുന്നേറ്റ് നോക്കുമ്പോൾ വീട്ടുമുറ്റത്തും പറമ്പിലുമെല്ലാം വലിയ കുഴികളുണ്ടായാൽ എന്താകും അവസ്ഥ? ചിന്തിച്ച് നോക്കിയിട്ടുണ്ടോ? ഇതേ അവസ്ഥയിലൂടെയാണ് ഇപ്പോൾ തുർക്കിയിലെ ജനങ്ങൾ കടന്നുപോകുന്നത്. കോന്യാബേസിൻ മേഖലയിലാണ് ഇത്തരത്തിൽ എല്ലായിടത്തും അഗാധ ഗർത്തങ്ങൾ കണ്ടുവരുന്നത്. ഒന്നും രണ്ടുമല്ല 25,000 കുഴികളുണ്ട് ഇവിടെ. ഇതിന് പിന്നിലെ രഹസ്യം ഇതുവരെ ആർക്കും കണ്ടപിടിക്കാനായിട്ടില്ല.
ഏറെ നാളായി വരണ്ട് ഉണങ്ങിക്കിടക്കുന്ന മണ്ണ് പെട്ടെന്ന് വിണ്ടുകീറി കുഴിയായി മാറിയതാണ്. കൃഷി മേഖലയായത് കൊണ്ട് തന്നെ പ്രദേശത്തുള്ള ഭൂരിഭാഗം ആളുകളും കർഷകരാണ്. കൃഷിയിടത്തിന് സമീപം ഷെഡ്ഡ് കെട്ടി അവിടെ പോയി ഇരിക്കുകയും പതിവാണ്. എന്നാൽ ഒരു ദിവസം തന്റെ ഷെഡ്ഡിൽ പോയി നോക്കിയ കർഷകൻ കണ്ടത് ഒരു വലിയ കുഴിയാണ്. ഒരു രാത്രികൊണ്ട് കുഴി രൂപപ്പെട്ടത് എങ്ങനെയാണെന്ന് ആർക്കും ഇതുവരെ മനസിലായിട്ടില്ല. ഈ സംഭവത്തിന് ശേഷം പുറത്തിറങ്ങി നടക്കാൻ പോലും ഭയമാണെന്ന് കർഷകൻ പറയുന്നു. നിരവധി പേർക്ക് സമാനമായ അനുഭവങ്ങൾ ഉണ്ടായതോടെ ഗ്രാമവാസികൾക്ക് പുറത്തിറങ്ങി നടക്കാൻ പോലും പേടിയാണ്.
I have dived into the issue of drought for the past few months & finally last week went to go see sinkholes with @volkikam in Karapınar in Konya which is described as Turkey's breadbasket. Farmers & experts say sinkholes are increasing as drought worsens. https://t.co/uKpmwXglqM pic.twitter.com/HU5mTm0beV
— Raziye Akkoç (@RazAkkoc) April 22, 2021
ഇവിടെ 700 ഓളം കുഴികൾ വലിയ ആഴത്തിലുള്ളതാണ്. ചിലതിന്റെ താഴെ ഭാഗം കാണാൻ പോലും സാധിക്കില്ല. പ്രദേശത്ത് വലിയ കൃഷി നാശവും സംഭവിക്കാൻ തുടങ്ങിയിട്ടുണ്ട്.
സിങ്ക് ഹോൾ എന്നറിയപ്പെടുന്ന വലിയ കുഴികളാണ് ഇത് എന്നാണ് ഗവേഷകരുടെ കണ്ടെത്തൽ. ഇതിന് പിന്നിലുള്ള കാരണം ഇതുവരെ വ്യക്തമായിട്ടില്ല. കാർഷിക ആവശ്യങ്ങൾക്ക് വേണ്ടി ഒരുപാട് വെള്ളമെടുക്കുന്നത് കൊണ്ടാകാം ഇത്തരം ഗർത്തങ്ങൾ രൂപപ്പെടുന്നത് എന്നാണ് നിഗമനം. ഇതിനോടകം തന്നെ നിരവധി പേർക്ക് ഈ കുഴികളിൽ വീണ് അപകടം സംഭവിച്ചിട്ടുണ്ട്. കുഴികൾ രൂപപ്പെടുന്നത് കൊണ്ട് അടുത്ത ഗ്രാമങ്ങളിൽ ഉളളവർക്കെല്ലാം ജാഗ്രതാ നിർദ്ദേശവും പുറപ്പെടുവിച്ചിട്ടുണ്ട്.
