ന്യൂഡൽഹി: ഇന്ത്യ ഇന്ന് എഴുപത്തിയാറാം സ്വാതന്ത്ര്യദിനം ആഘോഷിക്കുന്ന വേളയിൽ ആഘോഷങ്ങളിൽ പങ്കുചേർന്നിരിക്കുകയാണ് ഗൂഗിൾ ഡൂഡിൽ. മലയാളിയായ നീതി ഡിസൈൻ ചെയ്ത ഡൂഡിലാണ് ഗൂഗിൾ ഇന്ന് സ്വാതന്ത്ര്യദിനാഘോഷത്തിന്റെ ഭാഗമായി ഒരുക്കിയിരിക്കുന്നത്.
കുതിച്ചുയരുന്ന വർണാഭമായ പട്ടങ്ങളാൽ സമ്പന്നമാണ് ഗൂഗിൾ ഡൂഡിൽ. രാജ്യത്തിന്റെ സ്വാതന്ത്ര്യദിനാഘോഷങ്ങളുടെയും സ്വാതന്ത്ര്യസമരങ്ങളിലെയും അവിഭാജ്യഘടകമാണ് പട്ടങ്ങൾ. കൊളോണിയൽ വിരുദ്ധ മുദ്രാവാക്യങ്ങൾ എഴുതി പ്രചരിപ്പിക്കാൻ പണ്ട് സ്വാതന്ത്ര്യസമരസേനാനികൾ പട്ടം പറത്തിയിരുന്നുവെന്ന് നീതി പറഞ്ഞു.
അതേസമയം രാജ്യത്ത് എഴുപത്തിയാറാം സ്വാതന്ത്ര്യദിനാഘോഷങ്ങൾക്ക് ചെങ്കോട്ടയിൽ തുടക്കമായി. പ്രധാനമന്ത്രി നരേന്ദ്രമോദി ചെങ്കോട്ടയിലെത്തി പതാക ഉയർത്തി.
