ലാൽ ജോസ് സംവിധാനം ചെയ്യുന്ന പുതിയ ചിത്രമാണ് ‘സോളമന്റെ തേനീച്ചകൾ’. ജോജു ജോർജ്ജിനെ നായകനാക്കി തിയറ്ററുകളിൽ എത്തുന്ന ചിത്രം രണ്ട് സ്ത്രീകളുടെ കഥ കൂടിയാണ് പറയുന്നത്. സിനിമയുടെ ട്രെയിലർ അണിയറ പ്രവർത്തകർ പുറത്തിറക്കി. ദർശന സുദർശൻ, വിൻസി അലോഷ്യസ് എന്നിവരാണ് സിനിമയിലെ പ്രധാന സ്ത്രീ കഥാപാത്രങ്ങളെ അവതരിപ്പിക്കുന്നത്. ഓഗസ്റ്റ് 18-നാണ് സോളമന്റെ തേനീച്ചകൾ പ്രദർശനത്തിനെത്തുന്നത്.
സിനിമയിൽ ജോണി ആന്റണി, ശംഭു, ആഡിസ് ആന്റണി അക്കര, ഷാജു ശ്രീധർ, ബിനു പപ്പു, മണികണ്ഠൻ ആചാരി, ശിവജി ഗുരുവായൂർ, സുനിൽ സുഖദ തുടങ്ങി ഒട്ടനവധി താരങ്ങൾ സിനിമയുടെ ഭാഗമാകുന്നുണ്ട്. എൽജെ ഫിലിംസ് നിർമിക്കുന്ന സിനിമ 2019 മെയ് മാസത്തിൽ ഷൂട്ടിങ് പ്ലാൻ ചെയ്തിരുന്നെങ്കിലും കൊറോണ കാരണം മുടങ്ങി പോയിരുന്നു. ചിത്രത്തിന്റെ തിരക്കഥ രചിച്ചിരിക്കുന്നത് പി ജി പ്രഗീഷ് ആണ്.
ഛായാഗ്രഹണം അജ്മൽ സാബു നിർവ്വഹിക്കുന്നു. സംഗീതം & പശ്ചാത്തല സംഗീതം- വിദ്യാസാഗർ, ഗാനരചന- വിനായക് ശശികുമാർ വയലാർ ശരത്ചന്ദ്ര വർമ്മ, എഡിറ്റർ- രഞ്ജൻ എബ്രഹാം, എക്സിക്യൂട്ടീവ് പ്രൊഡ്യൂസഴ്സ്- ഡോ. ഇക്ബാൽ കുറ്റിപ്പുറം, മോഹനൻ നമ്പ്യാർ, പ്രൊഡക്ഷൻ കൺട്രോളർ- രഞ്ജിത്ത് കരുണാകരൻ, കല- അജയ് മാങ്ങാട്, ഇല്ലുസ്ട്രേഷൻ- മുഹമ്മദ് ഷാഹിം, വസ്ത്രങ്ങൾ- റാഫി കണ്ണാടിപ്പറമ്പ്, മേക്കപ്പ്: ഹസ്സൻ വണ്ടൂർ, ചീഫ് അസോസിയേറ്റ് ഡയറക്ടർ- രാഘി രാമവർമ്മ, ക്യാമറ അസോസിയേറ്റ്- ഫെർവിൻ ബൈതർ, സ്റ്റിൽസ്- ബിജിത്ത് ധർമ്മടം, ഡിസൈൻ- ജിസൻ പോൾ. പിആർഒ- എ എസ് ദിനേശ്.
