വാഹനപ്രേമികൾ ഏറെ കാത്തിരിക്കുന്ന വാഹനമാണ് മഹീന്ദ്ര ഇലക്ട്രിക് എസ്യുവി 400. പുതിയ എസ്യുവിയുമായി മഹീന്ദ്ര എത്തുന്നതോടെ ഇലക്ട്രിക് വാഹന വിപണിയിൽ മത്സരം കടക്കും. ഇവി വിപണിയിലെ ഏറ്റവും വില്പനയുള്ള നെക്സോണിന്റെ ഇലക്ട്രിക് പതിപ്പിനോട് നേരിട്ട് മുട്ടാൻ ഒരുങ്ങിയിരിക്കുകയാണ് മഹീന്ദ്ര. എക്സ്യുവി 300-ന്റെ ഇലക്ട്രിക് പതിപ്പാണ് എക്സ്യുവി 400. റിപ്പോർട്ടുകൾ പ്രകാരം വാഹനം സെപ്റ്റംബർ 6-ന് പുറത്തിറങ്ങും.
2020 ന്യൂഡൽഹി ഓട്ടോ എക്സ്പോയിൽ പ്രദർശിപ്പിച്ച ഇ എക്സ്യുവി 300-ന്റെ പ്രൊഡക്ഷൻ പതിപ്പായിരിക്കും പുതിയ വാഹനം. എക്സ്യുവി 300-ന് സമാനമായ ഹെഡ്ലൈറ്റ് ഡിസൈനും ബൂമറാംഗ് ആകൃതിയിലുള്ള LED DRL-കളുമാണ് പുതിയ എസ്യുവി 400 ഇവിയ്ക്ക്. X100 പ്ലാറ്റ്ഫോമിനെ അടിസ്ഥാനമാക്കി, എൽജി കെമിൽ നിന്ന് ഉത്ഭവിച്ച ഉയർന്ന ഊർജ്ജ സാന്ദ്രമായ NMC ബാറ്ററിയായിരിക്കും മഹീന്ദ്ര XUV400-ന് നൽകുന്നത്. NMC സെല്ലുകൾ നെക്സോൺ ഇവി പ്രൈം, ഇവി മാക്സ് എന്നിവയിൽ കാണപ്പെടുന്ന സിലിണ്ടർ LFP സെല്ലുകളേക്കാൾ മികച്ചതാണ്.
BE, XUV എന്നിങ്ങനെ രണ്ട് വ്യത്യസ്ത ബ്രാൻഡുകൾക്ക് കീഴിൽ പുതിയ അഞ്ച് ഇലക്ട്രിക് എസ്യുവികൾ മഹീന്ദ്ര പ്രഖ്യപിച്ചിട്ടുണ്ട്. ഈ BE, XUV ഇലക്ട്രിക് എസ്യുവികൾ അടിസ്ഥാനമാക്കിയുള്ള INGLO പ്ലാറ്റ്ഫോം പ്രഖ്യാപിച്ചതോടെ ഫോക്സ്വാഗണിൽ നിന്ന് ലഭിച്ച LFP സെല്ലുകൾ മഹീന്ദ്രയ്ക്ക് ലഭിച്ചിട്ടുണ്ട്. മഹീന്ദ്ര എൻഎംസി സെല്ലുകളിൽ ഉറച്ചുനിൽക്കുകയാണെങ്കിൽ, XUV400 ഇലക്ട്രിക് കൂടുതൽ ശക്തവും ടാറ്റയുടെ EV-കളേക്കാൾ ദൈർഘ്യമേറിയതും ആയിരിക്കും. ഫലത്തിൽ ഒറ്റ ചാർജിൽ നിന്ന് ഏകദേശം 150 bhp കരുത്തും 400 km റേഞ്ചും എസ്യുവി 400 ലഭിക്കുമെന്ന് വിലയിരുത്തപ്പെടുന്നു.
4.2 മീറ്റർ നീളമായിരിക്കും പുതിയ വാഹനത്തിന് മഹീന്ദ്ര നൽകുക. എക്സ്യുവി 300-ന് സമാനമായ ഹെഡ്ലാംമ്പ് കൺസോൾ, ഗ്രിൽ, ടെയിൽ ലാംമ്പ് എന്നിവയുണ്ടാകും. രണ്ട് ബാറ്ററി പാക്ക് ഓപ്ഷനും വാഹനത്തിന് ലഭിച്ചേക്കും. കൂടാതെ വലിയ ടച്ച് സ്ക്രീൻ, എക്സ്യുവി 700-ന് സമാനമായ ഡ്രൈവർ അസിസ്റ്റ് ഫീച്ചറുകൾ എന്നിവയും XUV400 നൽകുമെന്ന് പ്രതീക്ഷിക്കാം.
Comments