മാരുതി സുസുക്കിയുടെ ജനപ്രിയമായ വാഹനമാണ് ആൾട്ടോ. ജനങ്ങൾ ഏറ്റെടുത്ത മോഡലിന്റെ പുതിയ പതിപ്പ് ഉടൻ ഇറങ്ങും. ഓഗസ്റ്റ് 18 ന് പുതിയ ആൾട്ടോ K10 പുറത്തിറക്കും. ഇതിന്റെ ഭാഗമായി വാഹനത്തെ സംബന്ധിച്ചുള്ള ടീസർ മാരുതി സുസുക്കി പുറത്തിറക്കിയിട്ടുണ്ട്. ടീസറിൽ ആൾട്ടോയുടെ നവീകരിച്ച ക്യാബിനും പുതിയ ഫീച്ചറുകളും എടുത്തുകാണിക്കുന്നു. ഈ മാസം ആദ്യം തന്നെ 11,000 രൂപയ്ക്ക് കമ്പനി ഈ മോഡലിന്റെ ബുക്കിംഗ് ആരംഭിച്ചിരുന്നു. ബ്രാൻഡിന്റെ ഹർടെക്ക് പ്ലാറ്റ്ഫോമിനെ അടിസ്ഥാനമാക്കിയുള്ള 2022 അൾട്ടോ കെ10, അൾട്ടോ 800-ന് ഒപ്പം വിൽക്കും. വാഹനം പ്രാദേശിക ഡീലർഷിപ്പുകളിൽ എത്തിത്തുടങ്ങി എന്നാണ് റിപ്പോർട്ടുകൾ.
Std (O), LXi, VXi, VXi+ എന്നിങ്ങനെ നാല് വേരിയന്റുകളിളിലാണ് പുതിയ വാഹനം ലഭിക്കുക. ആറ് കളർ ഓപ്ഷനുകളും കമ്പനി വാഗ്ദാനം ചെയ്യുന്നു. സിസിലിംഗ് റെഡ്, ഗ്രാനൈറ്റ് ഗ്രേ, സോളിഡ് വൈറ്റ്, സ്പീഡ് ബ്ലൂ, സിൽക്കി വൈറ്റ്, എർത്ത് ഗോൾഡ് എന്നിങ്ങനെയാണ് കളർ ഓപ്ഷനുകൾ. പേര് പോലെ തന്നെ 66 ബിഎച്ച്പിയും 89 എൻഎം ടോർക്കും ഉൽപ്പാദിപ്പിക്കുന്ന 1.0 ലിറ്റർ, മൂന്ന് സിലിണ്ടർ K10 പെട്രോൾ എഞ്ചിനാണ് വാഹനത്തിന്റേത്. ഈ എഞ്ചിൻ 5 സ്പീഡ് മാനുവൽ യൂണിറ്റ് അല്ലെങ്കിൽ എഎംടി യൂണിറ്റുമായി ബന്ധപ്പെടുത്തിയിരിക്കുന്നു.
പുതിയ ആൾട്ടോ K10-ന് 3530 എംഎം നീളവും 1490 എംഎം വീതിയും 1520 എംഎം ഉയരവുമുണ്ട്. 2380 എംഎം ആണ് വീൽബേസ് . ഇത് അൾട്ടോ 800 നേക്കാൾ 20 എംഎം നീളം അധികം ഉണ്ട്. ഗ്രൗണ്ട് ക്ലിയറൻസ് 160 എംഎം, ബൂട്ട് സ്പേസ് 177 ലിറ്ററാണ്. ഏഴ് ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, സിൽവർ ആക്സന്റുകളുള്ള ബ്ലാക്ക് ഇന്റീരിയർ തീം, സ്റ്റിയറിംഗ് മൗണ്ടഡ് കൺട്രോളുകൾ പുതിയ ആൾട്ടോയ്ക്ക് നൽകുന്നു. പഴയ മോഡലിനെ അപേക്ഷിച്ച് ആൾട്ടോ K10-ന് മുൻവശത്ത് വലിയ സിംഗിൾ പീസ് ഗ്രിൽ, പുതിയ ബമ്പർ, സ്വീപ്ബാക്ക് ഹാലൊജൻ ഹെഡ്ലാമ്പുകൾ എന്നിവ നൽകിയിട്ടുണ്ട്.
Comments