എതിരാളികളോട് ഇഞ്ചോടിഞ്ച് പോരാടാൻ ഇവി9; കിയയുടെ ഇലക്ട്രിക് എസ്‍യുവി അവസാനഘട്ട പരീക്ഷണത്തിൽ- Kia EV9 Electric SUV

തങ്ങളുടെ ഇവി9 ഇലക്ട്രിക് എസ്‍യുവി പരീക്ഷണത്തിന്റെ അവസാന ഘട്ടത്തിലേയ്‌ക്ക് കടന്നതായി ദക്ഷിണ കൊറിയൻ വാഹന ബ്രാൻഡായ കിയ. ഇന്ത്യൻ നിരത്തുകളിലെ മറ്റ് വലിയ എസ്‍യുവികളുമായി മത്സരിക്കുന്ന മുൻനിര ഇലക്ട്രിക് എസ്‍യുവി ആയരിക്കും ഇവി9. വാഹനം ഏകദേശം 44 മാസത്തോളമായി വികസിപ്പിച്ചുകൊണ്ടിരിക്കുകയാണെന്ന് കമ്പനി പറയുന്നു. കൊറിയയിലെ കിയയുടെ ഗ്ലോബൽ നാമ്യാങ് ആർ ആന്റ് ഡി സെന്ററിൽ ഫോർവീൽ ഡ്രൈവ് സിസ്റ്റത്തിനായി എസ്‍യുവി പരീക്ഷിച്ചു വരികയാണ്. 2023 ആദ്യം തന്നെ വാഹനം നിരത്തിലിറക്കാനാണ് കിയയുടെ ശ്രമം.

കുത്തനെയുള്ള ചരിവുകളിലും പരുക്കൻ റോഡുകളിലുമെല്ലാം വാഹനം ഓടിച്ചു പരീക്ഷണം നടത്തുകയാണ് കമ്പനി. ഉയർന്ന വേഗത, മികച്ച ഡ്രൈവിംഗ് അനുഭവം, ബിൽറ്റ് ക്വാളിറ്റി എന്നിവ പരീക്ഷിച്ചിട്ടുണ്ട്. കഴിഞ്ഞ വർഷം ലോസ് ഏഞ്ചൽസിൽ ഓട്ടോമൊബിലിറ്റി എൽഎ-യിൽ പ്രദർശിപ്പിച്ച കിയ ഇവി9 കൺസെപ്റ്റിനെ അടിസ്ഥാനമാക്കിയുള്ളതാണ് പ്രൊഡക്ഷൻ-സ്‌പെക്ക് ഇവി9. വാഹനത്തിന്റെ പരീക്ഷത്തിനിടെ ചോർന്ന ചിത്രങ്ങളിൽ നിന്ന് ഇത് വ്യക്തമാകും. ഓപ്പോസിറ്റ്‌സ് യുണൈറ്റഡ് എന്ന് കിയ വിശേഷിപ്പിക്കുന്ന ഡിസൈൻ ഫിലോസഫിയാണ് പുതിയ ബ്രാൻഡിലും പിന്തുടരുന്നത്.

കിയ ഇവി6, ഹ്യൂഡായി ലോണിക് 5, ലോണിക് 6 എന്നിവയിൽ ഉപയോഗിക്കുന്ന ഇ-ജിഎംപി അല്ലെങ്കിൽ ഇലക്ട്രിക് ഗ്ലോബൽ മോഡുലാർ പ്ലാറ്റ്‌ഫോമിനെ അടിസ്ഥാനമാക്കിയുള്ളതാണ് ഇവി9. നിലവിലെ മുൻനിര എസ്‍യുവിയായ കിയ ടെല്ലുറൈഡിനേക്കാൾ കൂടുൽ സ്‌പേസ് ഇവി9-ന് ഉണ്ടായിരിക്കും. ഒരു ആന്തരിക ജ്വലന എഞ്ചിൻ വാഹനത്തിന് ലഭിക്കുന്നു. ഇ-ജിഎംപി ഒരു ഇലക്ട്രിക് സ്‌കേറ്റ്‌ബോർഡ് പ്ലാറ്റ്‌ഫോം ആയതിനാൽ മദ്ധ്യത്തിൽ ബാറ്ററികൾ ഉൾക്കൊള്ളുന്ന ഒരു ഫ്‌ളാറ്റ് ബോർഡ് ഉണ്ട്. എഞ്ചിനോ ട്രാൻസ്മിഷനോ ഇന്ധന ടാങ്കോ ഇല്ലാത്തതിനാൽ ഇ-ജിഎംപി പ്ലാറ്റ്‌ഫോം വാനത്തിനുള്ളിൽ കൂടുതൽ ഇടം നൽകുന്നുണ്ട്. ബാറ്ററിയെപ്പറ്റിയോ, വാഹനത്തിന്റെ മറ്റ് പ്രത്യേകതകളോ നിലവിൽ പുറത്തു വന്നിട്ടില്ല.