തിരുവനന്തപുരം: കോൺഗ്രസ് നേതാവ് രാഹുൽ ഗാന്ധി നയിക്കുന്ന ഭാരത് ജോഡോ യാത്രയ്ക്കെതിരെ ട്രോളുമായി സിപിഎം നേതാവ് എം എം മണി. രാഹുൽ ഗാന്ധിയുടെ യാത്രയുടെ റൂട്ട് മാപ്പ് ട്രോൾ രൂപത്തിൽ ഫേസ്ബുക്കിൽ പങ്കുവെച്ച് കൊണ്ടായിരുന്നു എം എം മണിയുടെ പരിഹാസം.
‘വെറുതെ തെറ്റിദ്ധരിക്കേണ്ട, കന്യാകുമാരിയിൽ നിന്നും കാശ്മീർ വരെ ജോഡോ യാത്ര പോകേണ്ട #ജി യ്‌ക്ക് ഏതോ LKG പിള്ളേര് എളുപ്പവഴി കാണിച്ച് കൊടുത്തതാ. അല്ലാതെ BJP യെ പേടിച്ചിട്ടല്ല കേട്ടോ.‘ ഇതായിരുന്നു എം എം മണിയുടെ കുറിപ്പ്.
ബിജെപി ഭരിക്കുന്ന സംസ്ഥാനങ്ങളിൽ നാമമാത്രമായ ഇടങ്ങളിൽക്കൂടി മാത്രമാണ് രാഹുൽ ഗാന്ധി നയിക്കുന്ന ഭാരത് ജോഡോ യാത്ര കടന്ന് പോകുന്നത്. മറ്റുള്ള സംസ്ഥാനങ്ങളിലാണ് യാത്രയ്‌ക്ക് കൂടുതൽ സ്വീകരണ വേദികൾ എന്ന പരിഹാസം നേരത്തേ തന്നെ വിവിധ രാഷ്‌ട്രീയ പാർട്ടികളും രാഷ്‌ട്രീയ നിരീക്ഷകരും ഉന്നയിച്ചിരുന്നു. ധൂർത്തിന്റെ പേരിലും ശുഷ്കമായ ജനപങ്കാളിത്തം നിമിത്തവും മതവിദ്വേഷ ശക്തികളുമായുള്ള സഹകരണം കൊണ്ടും യാത്ര ഇതിനോടകം കോൺഗ്രസിന് തന്നെ തലവേദനയായിട്ടുണ്ട്.
Comments