കൊല്ലം : കൊല്ലത്ത് തെരുവ് നായയെ കത്തിക്കരിഞ്ഞ നിലയിൽ കണ്ടെത്തി. പുള്ളിക്കടവിലാണ് സംഭവം. തെരുവ് നായയെ ചുട്ടുകൊന്നതാകാം എന്നാണ് സംശയം. സംഭവത്തിൽ കൊല്ലം ഈസ്റ്റ് പോലീസ് അന്വേഷണം ആരംഭിച്ചു.
സംസ്ഥാനത്ത് തെരുവ് നായ ശല്യം വർദ്ധിച്ചതോടെ അവയെ കൂട്ടത്തോടെ കൊന്നൊടുക്കുന്ന സംഭവങ്ങളും റിപ്പോർട്ട് ചെയ്യുന്നുണ്ട്. ഇത് ശ്രദ്ധയിൽ പെട്ട സാഹചര്യത്തിൽ ഹൈക്കോടതി ഇടപെടുകയുമുണ്ടായി. തെരുവ് നായ്ക്കളെ കൂട്ടത്തോടെ കൊന്നൊടുക്കിക്കൊണ്ട് ജനങ്ങൾ നിയമം കൈയ്യിലെടുക്കരുത് എന്ന് ഡിജിപിയും നിർദ്ദേശിച്ചു.
നായ്ക്കളെ കൊല്ലുന്നതും പരിക്കേൽപ്പിക്കുന്നതും തടവ് ശിക്ഷ കിട്ടാവുന്ന കുറ്റമാണ്. വളർത്തുനായ്ക്കളെ വഴിയിലുപേക്ഷിക്കുന്നവർക്കെതിരെ കേസെടുക്കാനാണ് നിർദ്ദേശം. ജനങ്ങൾക്ക് വിപുലമായ ബോധവത്കരണ ക്ലാസ് നടത്തണം. ഇത് നടപ്പാക്കുന്നുണ്ടെന്ന് ജില്ലാ പോലീസ് മേധാവിമാരും ഉറപ്പുവരുത്തണം.
Comments