തിരുവനന്തപുരം : സിൽവർ ലൈൻ ഉൾപ്പെടെയുള്ള നിർണായക പദ്ധതികളിൽ ഇടപെടൽ നടത്താൻ കർണാടക മുഖ്യമന്ത്രി ബസവരാജ ബൊമ്മെയുമായി പിണറായി വിജയൻ കൂടിക്കാഴ്ച നടത്തും. രാവിലെ 9.30 ഓടെയാണ് കൂടിക്കാഴ്ച. ബംഗളൂരുവിലെ മുഖ്യമന്ത്രിയുടെ ഔദ്യോഗിക വസതിയിൽ വെച്ചാണ് കൂടിക്കാഴ്ച നടക്കുക.
കേരളത്തിന്റെ സിൽവർ ലൈൻ പദ്ധതി മംഗളൂരു വരെ നീട്ടുന്നത് അടക്കമുള്ള കാര്യങ്ങൾ ചർച്ചയിൽ ഉൾപ്പെടുത്തും. റെയിൽവേ പദ്ധതികളുമായി ബന്ധപ്പെട്ട വിഷയങ്ങളിൽ ഇരു സംസ്ഥാനങ്ങളിലെയും മുഖ്യമന്ത്രിമാർ ചർച്ച നടത്താൻ ധാരണയായിരുന്നു. ദക്ഷിണ മേഖലാ കൗൺസിൽ യോഗത്തിലാണ് ഇത് സംബന്ധിച്ച് തീരുമാനമെടുത്തത്. സിൽവർലൈൻ മംഗലാപുരത്തേക്ക് കൂടി നീട്ടാമെന്നതാണ് കേരളം മുന്നോട്ട് വച്ച നീക്കം.
നിലമ്പൂർ – നഞ്ചൻകോട്, തലശ്ശേരി – മൈസൂർ റെയിൽ ലൈൻ എന്നിവയടക്കമുള്ള വിഷയങ്ങളും ഇരു നേതാക്കളും ചർച്ച ചെയ്യും. ഈ പദ്ധതികൾക്കെല്ലാം കർണാടക പിന്തുണ ഉറപ്പാക്കണം എന്നതാണ് കേരളത്തിന്റെ ലക്ഷ്യം.
Comments