വഡോദര: നവരാത്രി ദിനത്തോടനുബന്ധിച്ച് ഗുജറാത്തിലെ അംബാജി ശക്തിപീഠ ക്ഷേത്രത്തിൽ ദർശനത്തിനെത്തിയ മനീഷ് സിസോദിയയെ മോദി മോദി മുദ്രാവാക്യം മുഴക്കി സ്വീകരിച്ചു. ഗുജറാത്ത് തിരഞ്ഞെടുപ്പ് അടുക്കുന്ന സാഹചര്യത്തിൽ ആം ആദ്മി പാർട്ടിയും നേതാക്കളും സംസ്ഥാനത്ത് പ്രചാരണം തുടങ്ങാൻ തീരുമാനിച്ചതിന്റെ ഭാഗമായാണ് ഡൽഹി ഉപമുഖ്യമന്ത്രി മനീഷ് സിസോദിയ ക്ഷേത്ര ദർശനത്തിനെത്തിയതെന്നാണ് ആരോപണം.
മനീഷ് സിസോദിയ ക്ഷേത്ര പരിസരത്തേക്ക് എത്തുമ്പോൾ മോദി അനുകൂല മുദ്രാവാക്യം മുഴക്കി ജനങ്ങൾ സ്വീകരിച്ചു. നവരാത്രി ദിനമായതിനാൽ ക്ഷേത്രത്തിൽ നിരവധി ആളുകളാണ് ദര്ശനത്തിനെത്തിയത്. സിസോദിയ ദർശനം കഴിഞ്ഞു പോകുമ്പോൾ ഇരു ഭാഗത്തും തടിച്ചു കൂടിയ ജനങ്ങൾ അദ്ദേഹത്തെ നോക്കി പരിഹസിച്ചതായി വാർത്തകൾ പുറത്തു വരുന്നു.
ക്ഷേത്ര ദർശനം നടത്തിയ ചിത്രം അദ്ദേഹം ട്വിറ്ററിലൂടെ പങ്കു വെച്ചു. ഗുജറാത്ത് തിരഞ്ഞെടുപ്പിൽ ആം ആദ്മി പാർട്ടി മത്സരിക്കുകയും ഭരണം പിടിക്കുകയും ചെയ്യുമെന്ന് പ്രസ്താവന നടത്തിയിരുന്നു. ഇതിന്റെ ഭാഗമായി അരവിന്ദ് കെജ്‌രിവാൾ ഉൾപ്പെടുന്ന നേതാക്കൾ ഗുജറാത്ത് സന്ദർശിക്കുകയും ചെയ്തിരുന്നു. സിസോദിയയ്‌ക്ക് ഉണ്ടായ അനുഭവം കെജ്രിവാളിനും ഉണ്ടായതായി പറയുന്നു. മദ്യ കുംഭകോണത്തിൽ മുങ്ങി കുളിച്ച് നിൽക്കുന്ന മനീഷ് സിസോദിയയ്‌ക്കെതിരെ വൻ പ്രതിഷേധമാണ് ഗുജറാത്തിൽ നടന്നത്.
Comments