ബോളിവുഡ് താരം ദീപിക പദുകോണിനെ ആശുപത്രിയിൽ പ്രവേശിപ്പിച്ചു. ശാരീരികാസ്വാസ്ഥ്യത്തെ തുടർന്നാണ് നടിയെ മുംബൈയിലെ ബ്രീച്ച് കാന്റി ആശുപത്രിയിൽ പ്രവേശിപ്പിച്ചത്. ബാക്ക്-ടു-ബാക്ക് പ്രൊജക്ടുകളുടെ ചിത്രീകരണവും മറ്റ് തിരക്കുകളും കാരണമാകാം അസ്വസ്ഥത എന്നാണ് വിവരം.
ഇന്നലെ രാത്രിയോടെയാണ് നടിയെ ആശുപത്രിയിൽ എത്തിച്ചത്. തുടർന്ന് നിരവധി പരിശോധനകൾക്ക് വിധേയയാക്കി. നിലവിൽ ആരോഗ്യസ്ഥിതിയിൽ പുരോഗമനം ഉണ്ടെന്നാണ് മാദ്ധ്യമങ്ങൾ റിപ്പോർട്ട് ചെയ്യുന്നത്.
പ്രൊജക്ട് കെ എന്ന ചിത്രത്തിൽ അഭിനയിക്കുന്നതിനിടെയും ശാരീരികാസ്വാസ്ഥ്യത്തെ തുടർന്ന് നടിയെ ആശുപത്രിയിൽ പ്രവേശിപ്പിച്ചിരുന്നു. പ്രഭാസിനും അമിതാഭ് ബച്ചനുമൊപ്പം പ്രൊജക്റ്റ് കെ , ഹൃത്വിക് റോഷനുമൊത്തുള്ള ഫൈറ്റർ, ഷാരൂഖ് ഖാനും ജോൺ എബ്രഹാമിനുമൊപ്പം പത്താൻ എന്നിവയാണ് താരത്തിന്റെ പുറത്തിറങ്ങാനിരിക്കുന്ന ചിത്രങ്ങൾ.
Comments