കണ്ണൂർ : ഹർത്താലിന്റെ മറവിൽ സംസ്ഥാന വ്യാപകമായി കലാപം നടത്താൻ ശ്രമിച്ച സംഭവത്തിൽ രണ്ട് പോപ്പുലർ ഫ്രണ്ട് പ്രവർത്തകർ പിടിയിൽ. താണ ഡിവിഷൻ സെക്രട്ടറി അഫ്സൽ കക്കാട്, കണ്ണൂർ ഡിവിഷൻ സെക്രട്ടറി മുസാഫിർ എന്നിവരാണ് പിടിയിലായത്. ഹർത്താൽ ദിനത്തിൽ നടന്ന അക്രമവുമായി ബന്ധപ്പെട്ടാണ് അറസ്റ്റ്.
രാജ്യവ്യാപകമായി നടന്ന എൻഐഎ റെയ്ഡിന് പിന്നാലെ കേരളത്തിൽ അക്രമം നടത്താൻ ഗൂഢാലോചന നടന്നുവെന്നാണ് പോലീസ് കണ്ടെത്തൽ. ഹർത്താൽ ദിനത്തിൽ കലാപം നടത്താനായിരുന്നു ശ്രമം. ഇതിന്റെ ഭാഗമായാണ് കേരള പോലീസ് ഇന്ന് പരിശോധന നടത്തിയത്.
കലാപത്തിന് ആഹ്വാനം നടത്തിയ പോപ്പുലർ ഫ്രണ്ട് കണ്ണൂർ സൗത്ത് ജില്ലാ പ്രസിഡണ്ട് നൗഫൽ സി പിയെ മട്ടന്നൂർ പോലീസ് അറസ്റ്റ് ചെയ്തിരുന്നു. വയനാട്, പാലക്കാട്, ആലപ്പുഴ എന്നീ ജില്ലകളിലും റെയ്ഡ് നടന്നിരുന്നു.
Comments