റേസിംഗ് ഗെയിം ആരാധകരുടെ പ്രിയപ്പെട്ട ഇനമായ എൻ എഫ് എസ് (Need for Speed)ന്റെ പുതിയ പതിപ്പ് ഈ വർഷം പുറത്തിറങ്ങുമെന്ന് സൂചന. 2022 ഡിസംബറിൽ ഇത് റിലീസ് ചെയ്യുമെന്നാണ് ഗെയിമിംഗ് വെബ്സൈറ്റുകളിൽ ലഭ്യമാകുന്ന അനൗദ്യോഗിക വിവരം. ‘അൺബൗണ്ട്‘ എന്ന പേരിലായിരിക്കും പുതിയ പതിപ്പ് പുറത്തിറങ്ങുക.
നിരവധി പുതിയ സവിശേഷതകളും എൻ എഫ് എസ് അൺബൗണ്ടിന് ഉണ്ടാകും എന്നാണ് വിവരം. ഡ്രിഫ്റ്റുകളിലും ജമ്പുകളിലും ക്രാഷുകളിലും പുതിയ ഗ്രാഫിക്സും അനിമേഷനുകളും ഉണ്ടാകും.
എൻ എഫ് എസ് പുതിയ പതിപ്പിന്റെ വരവറിയിക്കുന്ന ട്രെയിലർ ആഴ്ചകൾക്കുള്ളിൽ പുറത്തിറങ്ങുമെന്നാണ് വിവരം. അൺബൗണ്ടിൽ പുതിയ ശബ്ദവിന്യാസങ്ങളും ഉണ്ടായിരിക്കും. മൾട്ടിപ്ലെയർ മോഡിൽ, മാപ്പുകളിൽ ഒരു സസ്പെൻസ് ഘടകവും ഉണ്ടാകും എന്നാണ് സൂചന. പ്ലേ സ്റ്റേഷൻ 5, എക്സ് ബോക്സ്, പി സി പ്ലാറ്റ്ഫോമുകളിൽ പുതിയ പതിപ്പ് ലഭ്യമാകും.
ഇലക്ട്രോണിക്സ് ആർട്ട്സിന്റെ ഏറ്റവും ജനപ്രിയ ഗെയിമുകളിൽ ഒന്നായ എൻ എഫ് എസ് ഇപ്പോൾ ഡെവലപ്പ് ചെയ്യുന്നത് ക്രൈട്ടീരിയൺ ഗെയിംസാണ്. 1994ൽ ആണ് ആദ്യ പതിപ്പ് പുറത്തിറങ്ങിയത്. 2020 നവംബർ 6ന് പുറത്തിറങ്ങിയ എൻ എഫ് എസ്: ഹോട്ട് പർസ്യൂട്ട് റീമാസ്റ്റേർഡ് ആണ് ഈ സീരീസിലെ ഏറ്റവും പുതിയ പതിപ്പ്.
Comments