തൃശൂർ: സൈക്കിൾ മരത്തിലിടിച്ചുണ്ടായ അപകടത്തിൽ പത്താം ക്ലാസ് വിദ്യാർത്ഥി മരിച്ചു. മാള എളന്തിക്കര പവ്വർ ഹൗസിന് സമീപം താമസിക്കുന്ന മാടപ്പടി പ്രസീഭരന്റെ മകൻ അജയ് (15) ആണ് മരിച്ചത്. ഞായറാഴ്ച രാവിലെയായിരുന്നു അപകടം.
സുഹൃത്ത് അഭിജിത്തിനോടൊപ്പം സൈക്കിളിന്റെ മുൻവശത്തിരുന്ന് യാത്ര ചെയ്യുന്നതിനിടെയാണ് അപകടമുണ്ടായത്. റോഡിലെ കയറ്റിറക്കമുള്ള ഭാഗത്ത് എത്തിയപ്പോൾ സൈക്കിളിന്റെ ബ്രേക്ക് നഷ്ടപ്പെടുകയും നേരെ റോഡരികിലുള്ള മരത്തിൽ ഇടിക്കുകയുമായിരുന്നു.
പരിക്ക് പറ്റിയ രണ്ട് പേരെയും എറണാകുളം ആസ്റ്റർ മെഡിസിറ്റി ആശുപത്രിയിൽ എത്തിച്ചെങ്കിലും തിങ്കളാഴ്ച രാവിലെ അജയ് മരണത്തിന് കീഴടങ്ങി. ആശുപത്രിയിലെ തീവ്രപരിചരണ വിഭാഗത്തിൽ അഭിജിത്ത് ചികിത്സയിലാണ്. എളന്തിക്കര സർക്കാർ സ്കൂളിലെ വിദ്യാർത്ഥികളാണ് അപകടത്തിൽപ്പെട്ടത്.
Comments