തിരുവനന്തപുരം: രാജ്യവ്യാപകമായി നടന്ന എൻഐഎ റെയ്ഡിൽ പ്രതിഷേധിച്ച് പോപ്പുലർ ഫ്രണ്ട് ഭീകരർ നടത്തിയ ഹർത്താലുമായി ബന്ധപ്പെട്ട് ഇതുവരെ രജിസ്റ്റർ ചെയ്തത് 357 കേസുകൾ. തിങ്കളാഴ്ച മാത്രം 50 പേർ കൂടി അറസ്റ്റിലായതായി പോലീസ് അറിയിച്ചു. സംസ്ഥാനത്തിന്റെ വിവിധ ഭാഗങ്ങളിൽ നിന്നാണ് 50 പേർ അറസ്റ്റിലായത്. ഇതോടെ ആകെ അറസ്റ്റിലായവരുടെ എണ്ണം 2,341 ആയി.
ഹർത്താൽ ദിനത്തിൽ അക്രമം നടത്തിയതിന് ഏറ്റവും കൂടുതൽ പേർ അറസ്റ്റിലായത് കോട്ടയം ജില്ലയിലാണ്. ഇവിടെ 27 കേസുകൾ രജിസ്റ്റർ ചെയ്യുകയും 411 പേർ അറസ്റ്റിലാകുകയും ചെയ്തിട്ടുണ്ട്. തിരുവനന്തപുരം, കൊല്ലം, പത്തനംതിട്ട, മലപ്പുറം, വയനാട്, കണ്ണൂർ എന്നീ ജില്ലകളിലും നൂറിന് മുകളിൽ പ്രതികൾ അറസ്റ്റിലായിട്ടുണ്ട്.
ഹർത്താലിനിടെ പുനലൂരിൽ കെഎസ്ആർടിസി ബസ് തകർത്ത കേസിലെ ഒന്നാം പ്രതി ബാസിത് ആൽവിയും ഇന്ന് അറസ്റ്റിലായവരിൽ ഉൾപ്പെടുന്നു. ക്യാമ്പസ് ഫ്രണ്ട് നേതാവാണ് അറസ്റ്റിലായ ബാസിത്.
വിവിധ ജില്ലകളിൽ ഇതുവരെ രജിസ്റ്റർ ചെയ്ത കേസുകളുടെ എണ്ണവും, അറസ്റ്റിലായവരുടെ എണ്ണവും ചുവടെ..
തിരുവനന്തപുരം സിറ്റി – 25, 68
തിരുവനന്തപുരം റൂറൽ – 25, 169
കൊല്ലം സിറ്റി – 27, 196
കൊല്ലം റൂറൽ – 15, 165
പത്തനംതിട്ട – 18, 143
ആലപ്പുഴ – 16, 124
കോട്ടയം – 27, 411
ഇടുക്കി – 4, 36
എറണാകുളം സിറ്റി – 8, 91
എറണാകുളം റൂറൽ – 17, 47
തൃശൂർ സിറ്റി – 13, 21
തൃശൂർ റൂറൽ – 26, 47
പാലക്കാട് – 7, 89
മലപ്പുറം – 34, 238
കോഴിക്കോട് സിറ്റി – 18, 93
കോഴിക്കോട് റൂറൽ – 29, 96
വയനാട് – 7, 115
കണ്ണൂർ സിറ്റി – 26, 104
കണ്ണൂർ റൂറൽ – 9, 26
കാസർകോട് – 6, 62
Comments