സിനിമാ അഭിനയം ഉപേക്ഷച്ച് ആത്മീയതയിലേക്ക് തിരിയുകയാണെന്ന് ഭോജ്പുരി നടി സഹർ അഫ്ഷ. സോഷ്യൽ മീഡിയ പോസ്റ്റിലൂടെയാണ് സഹർ സിനിമാ മേഖല ഉപേക്ഷിച്ച വിവരം അറിയിച്ചത്.
സിനിമാ ലോകം വിട്ട് അള്ളാഹുവിനെ ആരാധിക്കാനാണ് താൻ തീരുമാനിച്ചിരിക്കുന്നത് എന്ന് നടി പറഞ്ഞു. ഇസ്ലാമിക വിശ്വാസങ്ങൾക്കും അള്ളാഹുവിന്റെ കൽപനങ്ങൾക്കും അനുസരിച്ചുള്ള ജീവിതം നയിക്കാനാണ് താൻ ഉദ്ദേശിക്കുന്നത്. ജീവിതത്ത സംബന്ധിച്ചുള്ള എല്ലാ ഉത്കണ്ഠയും ഉപേക്ഷിക്കുന്നു. അള്ളാഹുവിന് മുന്നിൽ പശ്ചാത്തപിക്കുന്നുവെന്നും അദ്ദേഹത്തോട് പാപമോചനം തേടുകയാണെന്നും ഇവർ പറഞ്ഞു.
വളരെ യാദൃശ്ചികമായാണ് താൻ സിനിമാ ഇൻഡസ്ട്രിയിലേക്ക് വന്നത്. എന്നാൽ ഇപ്പോൾ എല്ലാം അവസാനിപ്പിച്ച് ജീവിതത്തിലേക്ക് പോകാൻ തീരുമാനിച്ചിരിക്കുകയാണ്. അടുത്ത ജീവിതം ഇനി അള്ളാഹുവിന്റെ നാമത്തിലായിരിക്കും എന്നും ഗ്ലാമറസ് വേഷം ഉപേക്ഷിച്ച് താൻ അള്ളാഹു കാണിച്ചുതന്ന വഴിയിലൂടെയാണ് സഞ്ചരിക്കുന്നത് എന്നും നടി വെളിപ്പെടുത്തി.
