പത്തനംതിട്ട : ഇരുപതുകാരിയെ വിവാഹവാഗ്ദാനം നൽകി പീഡിപ്പിച്ച പ്രതി അറസ്റ്റിൽ. അടൂർ പഴകുളം സ്വദേശി സാജനാണ് അറസ്റ്റിലായത്. നൂറനാട് സ്വദേശിയായ പെൺകുട്ടിയെയാണ് ഇയാൾ പീഡിപ്പിച്ചത്. ആറുമാസമായി ഇയാൾ ഒളിവിലായിരുന്നു.
പുനലൂരിലെ തുണിക്കടയിൽ സെയിൽസ് വിഭാഗത്തിൽ ജോലി ചെയ്യുന്ന വ്യക്തിയാണ് സാജൻ.യുവതിയെ കുടുക്കുന്നതിനായി ആദ്യം ഇയാൾ പെൺകുട്ടിയുടെ ഫോൺ നമ്പർ കൈക്കലാക്കുകയായിരുന്നു. ശേഷം പ്രണയാഭ്യർഥന നടത്തുകയും വിവാഹവാഗ്ദാനം നൽകുകയും ചെയ്തു. തുടർന്ന് 14 മാസത്തോളം വിവിധ സ്ഥലങ്ങളിൽ കൊണ്ട് പോയി പീഡിപ്പിച്ചു.
2020 ജനുവരി മുതൽ പ്രതി പെൺകുട്ടിയെ പീഡിപ്പിച്ചിരുന്നു. ശേഷം പെൺകുട്ടിയെ ഒഴിവാക്കി ഇയാൾ മുങ്ങുകയായിരുന്നെന്നും പോലീസ് പറയുന്നു.നൂറനാട് എസ്.എച്ച്.ഒ. പി. ശ്രീജിത്തിന്റെ നേതൃത്വത്തിലുള്ള പ്രത്യേകാന്വേഷണ സംഘമാണ് ഇയാളെ പിടികൂടിയത്.മാവേലിക്കര ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി റിമാൻഡ് ചെയ്തു.
