നമ്മുടെ ദേശീയഫലമാണ് മാമ്പഴം. പ്രത്യേകിച്ച് മലയാളികൾക്ക് മാമ്പഴവും കുട്ടിക്കാലവും തമ്മിൽ വലിയ ബന്ധം തന്നെയുണ്ട്. മാവിനെറിഞ്ഞും, കണ്ണിമാങ്ങ അച്ചാറിലിട്ടും കഴിഞ്ഞ ബാല്യമാണ് മലയാളികളുടെ ഓരോ മാമ്പഴക്കാലവും. മാമ്പഴം മാത്രമല്ല, മാവിന്റെ തടി,വേരുകൾ എന്തിന് ഇല വരെ വളരെ പ്രധാന്യമർഹിക്കുന്ന ഒന്നാണ്. പൂജാ വേളകളിൽ നിറകുംഭം അലങ്കരിക്കുന്നത് മുതൽ വിശിഷ്ടാവസരങ്ങളിലുള്ള തോരണങ്ങൾക്ക് വരെ അവിഭാജ്യ ഘടകമാണ് മാവില. ചുരുക്കി പറഞ്ഞാൽ മാവില ചെറിയ പുള്ളിയല്ലെന്ന് അർത്ഥം.
നമ്മളിന്ന് നിസ്സാരമായി കരുതുന്ന, പഴുത്ത് മണ്ണിൽ വീണഴുകിപ്പോകുന്ന മാവിലയുടെ ഔഷധ ഗുണം അറിഞ്ഞാൽ ആരും അത്ഭുതപ്പെട്ടുപോകും. വൈറ്റമിൻ A, B, C എന്നിവയുടെ കലവറയാണ് മാവില. ധാരാളമായി ആന്റി ഓക്‌സൈഡുകൾ മാവിലയിൽ അടങ്ങിയിരിക്കുന്നു. മാവിലയുടെ ആന്റി ബാക്റ്റീരിയൽ കപ്പാസിറ്റി ശരീരത്തിൽ അണുബാധ ഉണ്ടാകാതെ സംരക്ഷിക്കാൻ സഹായിക്കും. അതുമൂലം ദഹന പ്രശ്‌നങ്ങൾ മുതൽ ട്യൂമറുകൾ വരെ തടയാൻ മാവിലയ്‌ക്ക് കഴിയുമെന്നാണ് പഠനങ്ങൾ സൂചിപ്പിക്കുന്നത്.
വൈറൽ അണുബാധ മൂലമുണ്ടാകുന്ന എല്ലാ ചർമ്മ പ്രശ്‌നങ്ങൾക്കും ഉത്തമ പരിഹാരമാണ് മാവില.ചർമ്മത്തിൽ അണുബാധമൂലമുണ്ടാകുന്ന തടിപ്പും വ്രണങ്ങളും മാവിലയുടെ നീര് പുരട്ടിയാൽ എളുപ്പം ഇല്ലാതാകും. തൊണ്ടയിലെ അണുബാധക്കും ഏമ്പക്കം ഇല്ലാതാക്കാനും പ്രമേഹം നിയന്ത്രിക്കാനും മാവിലേക്ക് കഴിയും. മാവിന്റെ തളിരില ഒരു രാത്രി വെള്ളത്തിലിട്ടു വച്ച് പിറ്റേന്ന് പിഴിഞ്ഞെടുത്ത് സേവിച്ചാൽ ഷുഗർ നിയന്ത്രണ വിധേയമാകുമത്രേ.
പ്രമേഹം മൂലമുണ്ടാകുന്ന കാഴ്ച പ്രശ്‌നങ്ങൾക്കും ഉത്തമ പരിഹാരമാണ് ഈ ഔഷധം. രക്തസമ്മർദ്ദം ഇല്ലാതാക്കാനും വെരിക്കോസ് വെയിനും മാവില ഫലപ്രദമാണ്. ക്ഷീണവും പരവേശവും ഇല്ലാതാക്കാൻ മാവില ഇട്ടു തിളപ്പിച്ച വെള്ളത്തിൽ കുളിച്ചാൽ മതി. പിത്താശയത്തിലേയും മൂത്രാശയത്തിലെയും കല്ല് ഇല്ലാതാക്കാം മാവിലയുടെ തളിരില തണലിൽ വച്ച് പൊടിച്ച് ഒരു രാത്രി മുഴുവൻ വെള്ളത്തിലിട്ട് വച്ച് പിറ്റേന്ന് അരിച്ചെടുത്ത് കുടിച്ചാൽ മതി. മൂത്രാശയക്കല്ലും പിത്തായശയക്കല്ലും ദിവസങ്ങൾക്കുള്ളിൽ ഇല്ലാതാകും.
ദഹനപ്രശ്‌നങ്ങൾ പരിഹരിക്കാനും ഇതുമൂലം കഴിയും. മാവില തണലിൽ ഉണക്കിപ്പൊടിച്ച പൊടി ദിവസവും മൂന്നു നേരം വെള്ളത്തിലോ ഇളനീരിലോ ചേർത്ത് കുടിച്ചാൽ എത്ര കടുത്ത അതിസാരവും ഇല്ലാതാകും.മാമ്പഴ ഇലകളിൽ നിന്ന് വേർതിരിച്ചെടുത്ത ഒരു ടീസ്പൂൺ ജ്യൂസ് ഫലപ്രദമായ ഇയർ ഡ്രോപ്പ്, പെയിൻ കില്ലർ എന്നിവയായി പ്രവർത്തിക്കുന്നു. ഇത് ചെവിവേദനയ്‌ക്ക് നല്ല പരിഹാരം നൽകുന്നു.
