തിരുവനന്തപുരം:പോപ്പുലർ ഫ്രണ്ട് ഹർത്താലിൽ ആക്രമണം നടത്തിയ തീവ്രവാദികൾക്കെതിരായ നടപടി തുടർന്ന് പോലീസ്. സംസ്ഥാന വ്യാപകമായി 2674 പേരെയാണ് അറസ്റ്റ് ചെയ്തിട്ടുള്ളത്.ഹർത്താലിൽ ആക്രമണങ്ങൾ ആസൂത്രണം ചെയ്തതും ഗൂഢാലോചന നടത്തിയതുമായ നിരവധി പേർ ഒളിവിലാണെന്ന് പോലീസ് വ്യക്തമാക്കുന്നത്.
സംസ്ഥാനത്ത് വിവിധ ഇടങ്ങളിൽ നിന്നായി പ്രധാന നേതാക്കളെ ഉൾപ്പെടെ പോലീസ് അറസ്റ്റ് ചെയ്തു.മലപ്പുറം ജില്ലയിൽ നിന്നാണ് ഏറ്റവും കൂടുതൽ പ്രവർത്തകർ അറസ്റ്റിലായയത് .വിവിധ ഭാഗങ്ങളിൽ നിന്നായി 2674 ഭീകരർ പോലീസ് പിടിയിലായി.
പോപ്പുലർ ഫ്രണ്ട് വ്യാപകമായി ഗൂഢാലോചന നടത്തുകയും അക്രമങ്ങൾക്ക് ആഹ്വാനം ചെയ്യുകയും ചെയ്തു. ഇതേ തുടർന്നാണ് പോലീസ്, പരിശോധനകൾ കർശനമാക്കിയതും അറസ്റ്റ് തുടരുന്നതും. എന്നാൽ ഹർത്താലിനോട് സംസ്ഥാന സർക്കാരിന്റെ മൃദു നിലപാടാണ് ഇത്തരത്തിലുള്ള അക്രമങ്ങൾക്കായി പോപ്പുലർ ഫ്രണ്ട് മുതിർന്നത് എന്നുള്ള ആക്ഷേപങ്ങളും ഉയരുന്നുണ്ട്.
അതേസമയം വ്യാപകമായി പൊതുമുതൽ നശിപ്പിച്ചതിനും പോപ്പുലർ ഫ്രണ്ട് ഭീകരർക്കെതിരെ കേസെടുത്തിട്ടുണ്ട്.ദുരുദ്ദേശപരമായ ഹർത്താലിൽ പോപ്പുലർ ഫ്രണ്ടിനെതിരെ നടപടികൾ ശക്തമാക്കി അറസ്റ്റ് തുടരാനാണ് കേരള പോലീസിന്റെ തീരുമാനം.
Comments