അക്ഷയ് കുമാറിനെ നായകനാക്കി അഭിഷേക് ശർമ്മ സംവിധാനം ചെയ്യുന്ന ‘രാംസേതു‘ എന്ന ചിത്രത്തിലെ ഗാനരംഗം യൂട്യൂബിൽ തരംഗമാകുന്നു. റിലീസ് ചെയ്ത് മണിക്കൂറുകൾക്കുള്ളിൽ 12 ലക്ഷം പേരാണ് ‘ജയ് ശ്രീറാം‘ എന്ന് തുടങ്ങുന്ന ഗാനരംഗം യൂട്യൂബിൽ കണ്ടിരിക്കുന്നത്. അത്യുഗ്രൻ വി എഫ് എക്സും ചടുലമായ എഡിറ്റിംഗുമാണ് ഗാനരംഗത്തിന്റെ സവിശേഷതകൾ. ദീപാവലി റിലീസ് ആയി ഒക്ടോബർ 25നാണ് ‘രാംസേതു‘ തിയേറ്ററുകളിൽ എത്തുക.
അക്ഷയ് കുമാറിനൊപ്പം ജാക്വലിൻ ഫെർണാണ്ടസ്, നുസ്രത് ബറൂച്ച, നാസർ, പ്രവേഷ് റാണ തുടങ്ങിയവരും ചിത്രത്തിൽ പ്രധാന വേഷങ്ങളിൽ എത്തുന്നു. ഡോക്ടർ ആര്യൻ കുലശ്രേഷ്ഠ എന്ന നാസ്തികനായ പുരാവസ്തു ഗവേഷകനായാണ് അക്ഷയ് കുമാർ ചിത്രത്തിൽ അഭിനയിക്കുന്നത്.
അഭിഷേക് ശർമ്മയും ചന്ദ്രപ്രകാശ് ദ്വിവേദിയും ചേർന്ന് തിരക്കഥ ഒരുക്കിയിരിക്കുന്ന രാംസേതു, കേപ് ഓഫ് ഗുഡ് ഫിലിംസ്, ലൈക്ക പ്രൊഡക്ഷൻസ്, എബണ്ടന്റിയ എന്റർടെയ്ന്മെന്റ്, ആമസോൺ പ്രൈം വീഡിയോ എന്നിവർ ചേർന്നാണ് നിർമ്മിച്ചിരിക്കുന്നത്.
Comments