ന്യൂഡൽഹി: ഭാഗികമായ സൂര്യഗ്രഹണം രാജ്യത്തിന്റെ വിവിധ സംസ്ഥാനങ്ങളിൽ ദൃശ്യമായി തുടങ്ങി. വൈകിട്ട് അസ്തമയ സമയത്താണ് ഇന്ത്യയുടെ പലഭാഗത്തും സൂര്യഗ്രഹണം ദൃശ്യമായിക്കൊണ്ടിരിക്കുന്നത്. വൈകിട്ട് അഞ്ച് മണിയോടെയാണ് ഗുജറാത്തിലെ ദ്വാരക സമുദ്രതീരമേഖലയിൽ ആദ്യ ദൃശ്യം പ്രകടമായതെന്ന് ഭൗമശാസ്ത്ര വിഭാഗം അറിയിച്ചു. ഒരു മണിക്കൂർ നാൽപ്പതു മിനിറ്റ് നേരത്തോളം ദ്വാരകയിൽ സൂര്യഗ്രഹണ ദൃശ്യം കാണാനാകും. 2027 ആഗസ്റ്റ് 2നാണ് ഇനി സമ്പൂർണ്ണ സൂര്യഗ്രഹണം ഇന്ത്യയിൽ ദൃശ്യമാവുക.
ഭാഗിക സൂര്യഗ്രഹണം ഇന്ത്യയുടെ ഒട്ടുമിക്ക പ്രദേശത്തും വടക്കുകിഴക്കൻ മേഖലയിലെ ചില പ്രദേശത്തും ദൃശ്യമാകുമെന്നാണ് സൂചന. സൂര്യാസ്തമയ സമയമായതിനാൽ സമ്പൂർണ്ണ സൂര്യഗ്രഹണമോ അതിന്റെ അവസാന ഭാഗമോ ഇന്ത്യയിലൊരിടത്തും ദൃശ്യമാകില്ലെന്ന വിഷമമാണ് പലരും രേഖപ്പെടുത്തുന്നത്.
സൂര്യനെ പൂർണ്ണമായും ചന്ദ്രൻ മറയ്ക്കുന്നില്ലെന്നും 40-50 ശതമാനമാണ് സന്നിവേശിക്കു ന്നതെന്നും ഭൗമശാസ്ത്ര വിഭാഗം അറിയിച്ചു. മുംബൈ മേഖലയിൽ ഇത് 24 ശതമാനം മാത്രമേ ദൃശ്യമാകൂ. ചെന്നൈയിൽ 31 ശതമാനവും കൊൽക്കത്തയിൽ 12 ശതമാനവും കാണാനാകുമെന്നും ശാസ്ത്രസമൂഹം പറയുന്നു.
